الجمعة، 27 أغسطس 2010

نفسى ..أحس الأنسانية

ناعمة ولكن!!!!!!!
نفسى أفهم معناها


نفسى أحس بيها


نفسى أعمل بيها وليها


بيها وليها ومنها راح أامنها


أامنها من غدر الزمان


يالى مذكور فية بالباطل أنسان


نسيت أنا مين وموجود لية


وكأنى تايه فى صحرا ومش لاقية


لاقيتة ...

ولاغيرى لقاه كل دة لية


أتوة فى الصحرة وأضيع أنسان


أقع من طولى مرة وأتنين


وتتلم على جتتى الغربان


تقطع لحمى أللى باقى نساير


ويشرب دمى رملها العطشان


أرضها خاصمتنى


وميتها ماروتنى


كل دة علشان لغدرها نية


نفسى أحس الأنسانية


دة أللى مني محسش بية


يبقى أزاى تحس هية


من صغرى شايل مسؤلية


وحقى راح فى الأنسانية

هناك 7 تعليقات:

سَارةٌ يقول...

نفسى أحس الأنسانية


دة أللى مني محسش بية


يبقى أزاى تحس هية

//

تستاهل سقفه كبيييره عليها بجد ..

عجبتني جداً ..

امممم .. انت شكلك بتاخد الواحد بذنب الكل ..

الإنسانيه مش معدمه اوي يعني .. قليله ايوه لكن مش معدمه ..

ولو كانت مش موجوده خالص .. مكنتش صبرت وقدرت تعيش .. مكنتش فكرت انك تعيش ..

لإن إنسان بيرتبط بالإنسانيه .. مهما بيقسوو قلبه .. بتشهدله مواقف بوجود رحمه وإنسانيه فعليه جواه ..

عجبني اوي البوست ده .. :)

ساسو يقول...

ياسلام عل الجمال
بس ليه نبره الحزن اللي واضحه في كلماتك

خليك متفائل
اضحك للدنيا هتضحكلك

ربنا يسعد ايامك

Sameh Ezzat - (خواطر خاطر) يقول...

جامده يا سلموني

Sameh Ezzat - (خواطر خاطر) يقول...

بس تبقا قابلني لو حسيت بحاجه في الزمن الاخبر اللي احنا فيه ده

أسمعنى شكراًً يقول...

حباية
-----
شكرا على الزيارة الكريمة
وعموما أنا بحاول أعمل دة
ربنا يكرم

أسمعنى شكراًً يقول...

ساسو
---------

الدنيا مش بتعرف تضحك غير علينا

المثل دة مش بحبة

أسمعنى شكراًً يقول...

خااااطر
--------

على حق وشكرا على تشريفك لية