السبت، 27 فبراير، 2010

شرفاء ولكن (لصوص)

ناس ماشاء الله على الأدب والأخلاق باشاوات ولاد ذوات
. عيشين من خير الغير بيقضوا أحلى الأوقات.
عادى جدا ماهو دول أصلهم معدن. مش أى معدن
. دولا من أصل صفيح ...... صفيح مخرم مصدى!!..
سدوا اخرمهم بالفلوس ! والصدى خبوه ورا هدوم على الموضة وشيك
. دفنوا الغلابة تحت الفقر والمرض والجهل
.
وهم وقفوا يكبشوا مالهم وأراضيهم . طمعهم عماهم!
للموت وأخرتهم ويوم الحساب نساهم !
نسيو ببساطة أن رب العباد بالمرصاد وراهم!
خص خصوا بلادنا وفسدوا أخلاق ولادنا !
خلوا الكوابيس أحلامنا وحطموا أمالنا !
أبدا والله الفساد والمحسوبية ليهم أخر !
أنا شاب مصري من الحكومة ساخر !
وفى المعتقل عايز البرش يكون فاخر !
وهناك أقابل كيمو وأقولة قعدنى جنبك أتاخر!
أسف لأنى خرفت فى الأخر بس أهو حبة كدة وحبتين كدة يبقو تلات حبات

الجمعة، 26 فبراير، 2010

أهداء بمناسبة مولد خير البشر( سيدنا محمد صلى الله علية وسلم )

أولا / دى مجموعة جميلة من صور مسجد النبى صلى الله علية وسلم















































على فكرة أنا أول مرة أكتب شئ للرسول صلى الله علية وسلم






سـبـحـانك اللهــــــــــــــمّ وبحمدك



نـسـّتـغـفـرك ونـَتََـوب إليـــــــــك



نــَــــــــحجُ بيت الله ونـَــــــــعتمرُ



وعلى ألســـــنَــتنا لبيك اللهمّ لبيك



ونزورُ مسجـــــد خــيـــــر الأنام



نبـــينا وشفـــيعنا يوم القيـــــــــام

سبحان من صورة كابدرُ التمــام



عـلية الصـــلاةِ وأزكى الســــلام


أزاح الغمـــــــة وأنــارَ الأمــــــــة



أصطفــاة الله صادقــا أمين الزّمة



عـطوف القلـــــبِ وقوى العزيمة



سخـّــر حيـــاتة من أجل الغنيمة



وغنيمته أنشاء أمّةُ صالحة عظيمة



مؤمنيــــنَ بالله ذات قلوبٌ سليمـــة


نحـن قوم أعزنا الله بـالأســــــلام



وأبلــــغ الرســــــالة نبى الســـلام







( اللهم صلى وسلم على سيدنا محمد صلى الله علية وسلم )


( وبارك اللهم وصلى وسلم على حبيبنا المصطفى صلى الله علية وسلم )





*/ وكل عام وأنتم بخير /*

الخميس، 25 فبراير، 2010

(من أجلك أنت) هاطلع تيتك

معلش فى الأول
دة أهداء خاص ألى كل فرد فى الحكومة
أما عن دى توضيح للقادم والقادم والقادم

زمــــــــان كانوا بيغنوا ويقولولة


يـــاعسكرى يــاأبـــــوبندقــــــية




دلوقــتى واقــف الــيوم بطـــولة


مـــافـيـش حـد أفـتـكـرة بهـــدية




هـــــــدية أيـه عـملولهم عـــــيد


دول حــتى جـابولهم لـبس جديد




ياعــم هــادوهم بكـــلبش حـديـد


وطفوا الشمع وأتمنوا عمر مديد




وعـملوا على شرفهم حفلة شـاى


وسمعوهم موسيقة الطبلة والناى




مـاهـو أصل هاتبقى حفلة أزاى


مـن غير تعـظـيم سـلام للجــاى




يـاعـــم أللـى جـاى مش أى حد


دول أللــى شــدو الشـعـب شــد




ومـن الشـعـب أللـــى بؤة أتسـد


وأللـــى يتكـلـم يتعـلـق ويتمــــد




وبعـــد دة كـــلة تـقـولى أكـلـت


وتـقولــى شعار من أجــلك أنت




أنــتـــــا مـيـن وأحـنــــــا مـيـن


دا أنـا جــوايه سكـاكـيـن حاميين




همـــا فيلل وقصور ســـاكـنـيـن


دة غـير الأمــلاك أكـلين ناهبين




شــعبنا غـلابة كـتير موهومـين


وعـلية الــعوض فى المـواطنين




والــمواطن ياسـدنا كــــائن غلبان


ورا لقمة العيش بيجرى من زمان




وزاد وغطــى ضرايب عقــــــــارية


كاكوميرا ياحكومة ياعديمة المسؤلية




الثلاثاء، 23 فبراير، 2010

حشيش تانى مافيش

قاعدة الأصحاب جامدة ومتعوضش
ولكن ياترى القاعدة دى هاتدوم ولا !!!!
طيب ولو دامت !..بنعمل أية؟ ولية؟!!أحنا ثلاثة أصحاب أكلين نايمين شاربين (خط السيدة زينب بساتين . دايسين )
وفى وسط دماغ الحشيش قاعدين نغنى (أنا مش عارفنى أنا تهت منى أنا مش أنا)
وقمنا جيبنا مراية وقعدنا نبص فيها ونبص لبعضينا وفجأة سأل الأول/..
أحنا لية بنعمل فى نفسنا كدة ... وسبب أللى أحنا بنعملة دة أية...
المجتمع ! ولا أحنا أللى وحشين من الأساس ..! طيب العيب فينا .أللى حولينا مايغيروش مننا لية؟

رد الثانى/..
مين فاضى يغير مين * أحنا الشباب المهيسين
لما الأب مش فاضى ليك * ولودقيقة فى حضنة يلاقيك
يسمعك وتسمعة . ولو سمعتة تسمعة بيزعق علشان عملت حاجة مش عجباة, مش غلط ,لا مش عجباة.
طيب أنتا وأنا وغيرنا أنسان, لة عقل يميز بين الصح والغلط ,والحلال والحرام.
طيب العقل دة هايميز أزاى وفية صوت مغطى عليك هو الحاكم والأمر والناهى فى كل مايخصك
وبغض النظر عن دة أنتا عايز حد يغيرك لو لاقيت حد يغيرك ,أزاى هايغيرك وأنتا مش مستعد للتغيير دة..
قال الأول/....
أنا أقصد أقول فى الأسلوب التربوى من صح, ودين, وأستقامة .
يعنى مثلا فى الطفولة فى سن المراهقة وهكذا.!!!
الطرف الثانى قال/....
المجتمع والبيئة حاولو كتير بس كانت محولات فى الوقت الغير مناسب ,يعنى مثلا
كل مرحلة وليها ظروفها أللى هما مش مقدرينها, يعنى فى فرق بين مرحلة الطفولة ومرحلة المراهقة
,ومرحلة الوقت الضائع! ودى بقى ياسيدى المرحلة أللى أحنا فيها!!!!!!!!!!!
مرحلة وأى مرحلة هاه.. ,, لانصيحة بتنفع ولا عقاب بيسد ولا الهوا......
قال الأول/....
طيب والحل هانفضل كدة !!!!!
قال الثانى/....
لا لالالالا.....لا وألف لا
الحل فينا أحنا وبأدينا أحنا
وظل( الطرف الثالث ) موضع سكون ويستمع ببلاهه للأثنين التانين
وقال ثلاثة كلمات /....
حشيش تانى مافيش
وسابهم ومشى من القاعدة أللى كانو فيها وروح نام
ولم يعد فى مثل سابق عهدة بطل الحشيش وبطل( السمع وبقى بيطلب من غيرة أنة يسمعه شكر)ا
!!!وتوتة توتة خلصت الحدوتة!!!

الاثنين، 22 فبراير، 2010

سؤال محيرنى مصر بالنسبالك أية؟!!!!!!!

شايف الحيرة فى عينك
حيرة! فى عين مين؟ ولا من أية؟ دة توهان أحنا فية! مين أللى توهنا؟ ومين رسانا على بر !!!

بر أية دا برنا بحر! وبحر موجة عالى علينا * وهى شعرة نجاة فى أدينا * قروش البحر تزاولنا * وموج البحر زغللنا * ظلمتة كلها خوف *ولون الجبين مخطوف * وتعلم على قفانا الكفوف * وزيى وزيك ألوف * غربان كبيرة وصغيرة * ورحلة العمر قصيرة * وأدينا بنصبر نفسينا * ونقول فى شعرة فى أدينا * أمى وأمك تقوم مصوتة * تقول جواية دربكة وكروتة * وشوية رياضة مكورة معفرتة * تعملك دماغ فرحة وظأططة * قلولى فين دى الحيرة * دا أحنا أللى وخدين تعسيلة !!!..........

الأحد، 21 فبراير، 2010

شكرا

أنتا سامعنى
شكرا كلمة جامدة للى بيسمع وأللى مايسمع برضة شكرا !!! بس بتكون أجمد لما يكون معناها ( ش ) شرشر ( ك ) كيلو سمك ( ر ) روح أمك ( ا ) أنتا فاكر نفسك أية

( أنقضنى وأية يعنى * نقضك هايشجعنى * حســسـنى بوجــــــــودى * أقدر أحقق أحلامى ووعودى * مواطن كتبها بدموعة * قلبة أنعصر مابين ضلوعة ) !!!!!!!!!!!