الأربعاء، 22 ديسمبر 2010

قضية مواطن


مازلت غارقا ًً فى أحلامى
لا أتزوق إلا المر فى أيامى
مجبر علية فى الحياة إلزامى

أصبحت كهلًً فى أفكارى
روحى عجوز ساخط فى حوارى
حبيس فى ظلام وأرتفعت أسوارى

وكأنى خيلً مصاب منتظر الموت
وكأنى أصم لا أسمع صوت
وكأنى فارقت الحياة قبل ذلك

تعذبت بقبرى وتذوقت المهالك
أنتظر يوما يمر بلا وجع
أسهر الليالى وأفعل البدع
من عمل لعمل بعزيمة قوية
وذلك لأنى مصرى وهذة هى القضية
قضية مواطن يتمنى تحقيق أحلامة
بدلا من إحباطة وتكسير أقلامة

-------------------------------

مع تحيات / القهوجى

الأربعاء، 15 ديسمبر 2010

ذكرى َََََ يومياتى



أحلام كثيرة غامضة

فرحة حياتى وامضة

مشاعر غاضبة وصامتة

كيف النهوض من النعاس

لقد ضاقت حيلى بالجن والناس

أين همساتى والإحساس

ياقاضى الغرام أتمنى إلتماس


أنظر إلى ..

أنظر إلى كم بى من جنون

أنظر إلى قلبى المسجون


كيف هذا... بلا قلب

كيف يستقر العقل بلا قلب وسكينة

كيف تهدأ الروح بلا نبضاتة الثمينة


وتمضى الأيام ...

وتمضى الأيام وأنا فى الأنتظار

وتمضى الأيام وأنا بين جنة ً ونار


قلبى الثمين سجين مع الأخيار

السبت، 11 ديسمبر 2010

مصر يابلد الـ(ترتر)


ترتر



لو حد سألك ومش عارف قول (ترتر)

موظف مسؤل من غير مصلحة بيقول (ترتر)

للوسطة والمحسوبية أسلوب الـ(ترتر)

للروتين أللى مابيمشيش ألا على الغلابة(ترتر)

للورقة أللى ناقصة وتقف عليها طوابير

دى ورقة الـ(ترتر)

لما تكون فى زحمة غير طبيعية دة بسبب الـ(ترتر)

لما تبقى بتخلص دراستك

ويطالبوك برسوم دى رسوم الـ(ترتر)

لما تروح التأمينات ويرجعوك

دة بقى علشان الـ(ترتر)

لما أمك تدوخ فى المعاشات

بتدوخ علشان معهاش (ترتر)

رترت كتير بالكلام

محدش هايسمعك لأنك مش من بتوع الـ(ترتر)

الخميس، 2 ديسمبر 2010

وصيه لـ حبيبتى

ده كلام واقعى
ردك على حبى

خلى فى حياتى ألف لون...


علشان تقرب مني

لازم حبيبى تكون مجنون...


لاجل ماتكسر فى حبى كل الظنون...


شرطى فى حبك لية

شرط وحيد وهو أنك تكون...


تعيش سجين جوه نن العين

مقفول عليك الجفون...


أنت عارف وأنت معاية

ممكن أعمل أية لو بس الهوا مسك...


هاتفدر حبيبى تحسنى

زى ماانا حسك...


حبك لية دة أكيد مسؤلية

هاتقدر حبيبى تعيش حياتك لية...


الحب فى القلب مش فى الكلام

لأن الكلام بيتغير مع الأيام...


أوعاك تكون الكلمة جبر خواطر

أنا مش حمل صدمات تانى

ده شطان النفس شاطر...


ولو كان قصدك تراضينى بكلمة حلوة

لاجل ماكتبت فيك قصيدة وألفتلك غنوة...

هاحترم تقديرك لية


ولو تلميحك لية شئ حسيتة أنت بجد

سعادتى وفرحتى هاتكون ملهاش حد...


------------------------------


مع خالص تحياتى / لمن أمتلكت القلب والروح

الاثنين، 29 نوفمبر 2010

خصوصا ً إنك مكتأب (مكرر)

الصورة تعبر عن ألف كلمة

--------------------------------
فكرت أسيبها مش عارف. أنا لسة بحبها
ولا من كتر الظلم فيها زهقت منها
عمرى ماجت فى بالى كلمة كرهتها
مهما كان فيها تلوث بحب هواها وجوها
أمى وأمك وأم العالم ودة باين فى أسمها
مصر أم الدنيا مافيش فى البلاد شعبها
عايش وصابر فيها وكأنة قلبها
يـقف تـقف ماتلقيش حد يشدها
مسؤلينها الكبار مصوا دم الشعب ودمها
ودمها ياسدنا كنوزها وتراثها وأرضها
وبالمخدرات خلوا الشباب شوهوا شكلها
بعد الفساد والفقر يبقى أية تانى عندها
فقدت الأمل وقولت أسافر بعيد عنها
أفتكرت شربة مية من نيلها شربتها
أزاى مبقاش من أللى بيمسحوا دمعها
شميت هواها وأرتعش ضميرى وقتها
أصحى ياضمير وقوم هات منهم حقها
أللى هو حقى وحقك وبيه نوصلها مجدها
بصيت فى النيل بنظرة شجاعة وتخيلتها
بعد التجديد نزاهة السلطة وحكمها
..........................................

كان حلم جميل ولكن مافيش مخضع علشان أحلمة

الأحد، 21 نوفمبر 2010

إعترافات قلب فى غـُربة



جانى وقال امدحنى ياخال

قالى حبيبتى أية فى الجمال

قلتلة حبيبتك مابتحبكش

خالك منين أنا معرفكش

حسيتك غريب من يوم ماعرفتها

وهو مصمم على حبها

ونفسه كمان يمتلك قلبها

قولت. أزاى وأنت ملكها

ياقلبى أفهم لاهى ليك ولاأنت لها

يقولى نبضى وقف عندها

أزاى عايزنى أتحمل مرار بعدها

أقوله أية ياناس ساكت من وقتاها

مخلوق بين ضلوعى أزاى راح لها

راح ومرجعش تانى وكأنة عبدها

مجنون وممكن أسيبة يمشى فى دربها

وأعيش أنا من غيرة ويبقالى حق عندها

وأمشى فى طريقى وحياتى

ويبقى الأمر أنتهى

وهاعيش طول عمرى أنسان
فاكر إللى مديون لية زمان
وربنا ينعم عليه بالنسيان
-------------------------

توقيع الأعتراف : قلب تايه

الاثنين، 15 نوفمبر 2010

العيد قـُرحة

زحااااااااااااام فى كل مكان وكأنة يوم الحشر ومع مرور الوقت ينفض التزاحم الهستيرى
وتشعر بسكون فى الميادين والشوارع وما من لحظات فينادى المؤذن بصلاة الفجر
تجد الأجواء تعود كما كانت علية من تحركات كثيرة فى كل مكان يميناًً ويسارا
ولكن المظهر مختلف وكأنة فجر وشروق ينقلق لكون أخر بدلا من الكلام تجد ذكر الله
وبدلا من القميص والبنطلون تجد الجلباب الأبيض .... نعم أنة العيد هذا هو العيد
ولكن العيد حاليا بقى غير مرغوب فية
ومازال العيد مجرد أيام بتعدى علينابنفرح شوية ونرجع نتعكنن تانى بمشاكل الخضار.
والزيت ..والسكر ..والغاز.. وغيرة .وغيرة..ألخ ألخ ألخ
وناس كتير مابقيتش تحس بالعيد فرحة كما يقال بقى العيد عندهم كارثة أقتصادية للمنزل
وأللى رمى أبنة من البلكونة بسبب مصاريف مواسم العيد
وأللى أتخانق مع مراتة وضربها بوحشية من أجل مصاريف العيد
ياترى ياهل ترى الناس دى أعصابها خفيفة ولا أحنا أللى نايمين فى البلوظة وبنقول العيد فرحة
للأسف أنا واحد من الناس أللى مابقيتش بحس بحلاوة العيد..
لأنى حاسس كتير أنى وحيد يمكن الحسنة الوحيدة أللى هاستفيد بيها من العيد دة
أنى هاشوف أصحابى أللى ممكن أكون بقالى فوق الـ6 شهور مابشوفهمش
ياترى ممكن الحياة تتعدل وتبقى أحسن من كدة ولا خلاص علية العوض فى العيد فرحة
وهايبقى ليه تأثير كبير على عمر البنى أدم وكأنة قـُرحة فى العمر ملهاش علاج..
ربنا يتولانا برحمته
مع تحيات القهوجى اليائس

الثلاثاء، 9 نوفمبر 2010

(حبيبى) لك أن تتخيل

شاهدين علية
بيعمل أية
لك أن تتخيل بلا سمع ولا بصر

لك أن تتخيل فؤاد وقد أنكسر

لك أن تتخيل الفراق قد أنتصر

لك أن تتخيل

قلبََ بين يديك أتعصر

لك أن تتخيل

جرح دواه الزمن ولكن له أثر

لك أن تتخيلى

.قلبََ!!

عنتر بلا جواد .. عصفور بلا صوت ..

تملاء دنياه السواد.. ويتمنى الموت..

لك أن تتخيلى

عقلاََ!!

بحرا بلا أمواج .. مغرم بقلب من ذهب

عاشق غرام هياج.. ويتمناكى بكل أدب

لك أن تتخيلى

روحاََ!!

تفقد حبيبها. بعد ماباحت بمافى داخلها

لك أن تتخيلى وتأملى كيف فقدان الحبيب

تأملى كيف الشعور غريب

تأملى متى الليل يغيب

تأملى جرح لا يداوية طبيب


كفااية كدة أحسن تطيري من كتر التأمل ولا حاجة ;(wink

السبت، 6 نوفمبر 2010

جندى مجند


طول عمرى بشوف جرانى وأخواتى الكبار أيام ماكانو فى الجيش..

والزى العسكرى الممل أللى بكرهه

عمرى ماتخيلت أن فى يوم العجلة هاتلف وهابقى لابسة

أزاى هادخل فى المود العسكرى أللى أنا بنتقضة دايما

والمشكلة أن الجيش بتاعنا أعتبر نفسك فى أيد كفار وبيعزبوك لأنك

(مواطن وشاب وكمان مصرى)

تدخل يامعلم بكرامتك تخرج منة من غير أى حاجة لا كرامة ولا عزة نفس

ولا زرة حب للبلد ولا أللى يجى منها ....

وتبقى عايز تهج وتسيب الدنيا كلها ليهم .(عشتى يامصر)

وعاش قانونك يدمر فيكى مايبنيش يدمر أمال وفؤاد كل حلم مواطن شاب

ويدمر جهد وتعب الفقير.. بكلمة روتين ماتمشيش غير على الغفير

والكبير يعيش فيها أمير... والغلبان يعيش له عبد أسير

يرضيكى دة منطق دة أو تفكير

مين فى البلاد شعب شاف ظلم زى شعبك

صرخة أم على ضناها بتتعب قلبك

خدوة فى الجيش سليم خارج بعد الخدمة

عندة الكلة والغدروف وأمراض تانية كتير

عشتى يامصر ..وعاش القانون والروتين


الاثنين، 1 نوفمبر 2010

حبيبتى أنا لست بمجروح

جنان بقى ماتعرفوش ياناس؟ أعمل أية


... حبيبتى !!


أراكى كيف تكونى................ وأنا لا أكون

كيف أراكى بعيونى .............. وليس لى عيون

كيف أصدق ظنونى.............. وحبى فى القلب مكنون

وما بال الشقيق بالعشق......... وأنا بعشقك مفتون

كيف تغفل عنكى جفونى........ والعقل بكى مجنون

كيف أمتلكت قلبى............... وقلبك لم يستشرق النور

نور حبى قد أ ُضيء........... وظلمة قلبك تفقدنى الطريق

وطريقى إلى قلبك.............. طريق الصديق !!

وياله من عذاب ............... تريدينى شقيق !!!

كابوس باليقظة.............. ساعدينى على أن أفيق..
......--......--......--......--......--......

الأحد، 24 أكتوبر 2010

( تهييس الشتا )

شئ غريب
أنة جاى علينا غريب
وكأنة أول مرة يجى مع أنة لف علينا كتير
كان ببرق ورعد ومطر وفى العظم لة تأثير
كنا دايما وقتها كشين وفى الهدوم الكتير مستخبيين
دلوقتى جاى هو وكاشش....!!
وكأنة واحد مننا رايح يخلص أجرأت رخصة...
ولا رايح أى هيئة حكومية لأول مرة يخلص مصلحة
من غير وسطة متسوح فى الطوابير الكتير
وكأنة حاسس بينا مش حمل لفحة هوا
فى الوقوف على باب الأتوبيس ..

خايف على طفل يتعب أهلة مايلاقوش يعالجوة
ولا يقفوا بية على باب المستشفى
ويقولو لأبوة لازم من دمك لينا تبيع
ياترى ياحكومة بلدناعندك قلب رحيم زى الشتا؟؟
أكيد تهييسى وتهيس الشتا لة ألف سبب
ودة شئ أنا شفتة وقلتة بالأدب

الثلاثاء، 12 أكتوبر 2010

شكرا ياريس الأسعار بتهيس


الطماطم أغلى من التفاح الأمريكانى يابشر...هو سيادة الريس ربنا يخلى أللى جايبينة

مش بياكل طماطم زى بقية الناس؟ ولا هو مقضيها صلصة علشان الكوسة أللى فى البلد!!

وشكله كدة بصراحة مش بيحب الطماطم وشايف فيها حاجة غلط الأفندى.......

علشان كدة بيحافظ على الشعب وخايف علية منها (ومجنوووووووووووونة ياأوطة)

لا وأية كمان هايستوردوها من الصين .... وهى ناقصة أقصد وهى جت على دى

أما حتى اللب أللى بنتسلى بية صينى وأنا قلت قبل كدة (قوم ياصينى قوم لنصرى)

ولسة ياما فى الجراب ياحسنى.....

هو مش ناوى يفارقنا ..

إلى كل السادة الكرام أللى هايقرأو الموضوع دة يدعوا على حسنى مبارك

وأللى هايدعى ربنا هايكرموا بكيلو طماطم ببلاش ..
.وأللى مش هايدعى علية هايبقى عندة أزمة طماطم

وربنا يتقبل منا جميعا..

السبت، 2 أكتوبر 2010

قصة حب من طرف واااااحد

قلبى مرسوم على رمال تمحوه الأمواج



أاة .وأاه من عيناكى البراقتان بالخجل
دعينى أقول. هذا ليس بـ شعر ولازجل
دعينى أبوح بما فى داخلى وما العمل
دعينى أموت فى حبك أجـل بــــأجـل
دعينى أرى بسمة عيناكى كى لا أفقد الأمل
دعينى أشرب من كأس شفـتاك حتى الثمل
دعينى أتحسس وجهك بدر التمام وقد أكتمل
أكتمل ببسمة تطيح الجمال أرضا وتصيبة بالملل
أكتمل شغفى بحبك ومن بينهم من أكون
ليتك تكونى ليلة وأكون أنا المجنون
ليتك أنت عبلة وأنا عنتر وسيفى مسنون
أطيح برقاب الحاقدين فى حبى والغادرون
أطيح بقصص المحبين ويفوز حبى المكنون
ولكن وللأسف حبى فى القلب بين ضلوعى مسجون
وكأنة بين قبور الموتى مكفــن باللون الأسود مدفون
-------------------------------------

عاااااااادى جدا مش أول واحد حب ومطالش
بس كان لازم أفضفض وألا هاموت من الكبت جواية
وعلى رأى العندليب : دة مش نصيبى لكن حبيبى وأكتر شوية .
وبتمنالة كل السعادة من قلبى ويارب يجعل كل أيامة فرح وهنى
والحب طول عمرة عطاء وتضحية مش أنانية وأنا كل أللى بتمناة من ربنا
أنى مكنش أنسان أنانى.....

السبت، 25 سبتمبر 2010

من حكاوى الشكمجية

أوصف موضوعى بالماضى القديم
دة أذا ماكنش الموضوع قديم أصلا

شكمجية فيها زحمة ورق
ورقة منهم فيها سر خطير
وبسببها قلوب كتير بتنحرق
لجل السر مايطلع ويعمل قلق
والشكمجية مرمية .. مرمية
مرمية فى بير غويط وخطير
مينقذهاش غير الأمير الفقير
يخطفها على حصانة ويطير
يوصل بيها لقمة المجد ونحس بالتغير
لأن أللى داء الظلم يرضى بغير
يرضى بالعدل يحققه ويحس بية
ثباتها وصمٌدها له معنى وألف دليل
مسير النهار يطلع بدل سواد الليل
الصبر طيب يابلد والشعب ياما أتحمل
كفاية الشباب على نيلك قاعد بيتأمل
بيتأمل شعاع النوريمكن فى الحياة يكمل
صبرة فى صنارة سمك
من الظلم ياما أتهلك
وعقول كتير نايمة . بالمخدرات قايمة
قايمة تدور على الاصطباحة
منين ياشعب مصر وأمتة هتلاقى راحة
وفيها أللى ماشى فى حاله
عايش وهو مالة ..
مش عايز حاجة منها خلينى جنب الحيط
مسير الحيطة تقع وهاتمشى فيها مكشوف
وتندم على أللى راح وأنت ماليك الخوف
دى ورقة بين الورق فى الشكمجية الغرقانة
بسببها ياما القلب أتحرق وحسينا بالإهانة

الأربعاء، 15 سبتمبر 2010

صنع فى ( الطين )


كلب صيد لئيم
مسعور وبيفنن
بلد الغلبان الحليم
وفى سنانة بيسنن
وهو لسة هايهبش
لسة فية حيل ينكش
دة خلاص منة بتفنش
وهو فى القصر بتاعة بيورنش
الجذمة البنى بنى * والجذمة السودة سودة
ورنيش الصين دة أنضف
بدل المصرى بيفنش
مصاريف ومكسب مافيش
يأما نستورد يأما نبيع حشيش
والشاى أهوا مرمى قدامة
على صينية مزخرفة
مزخرفة بعلمك يابلدى . أللى هو مش صنع مصرى
وبجنية ونص دا عرض حصرى
قوم ياصينى قوم لنصرى
-------------------------------
أللى بيحصل دلوقتى أية التجار عايزين يكسبوا..
فابدل مايصنعوا المنتج بتاعهم ويكلفهم ويكون مكسبة أقل.
يقوم التاجر من دول عامل أية قافل مصنعة وقالبة مخزن ..
ويستورد من الصين أرخص وأحسن من أمكانيات الصناعة فى بلدك
والمكسب .......! مضمون
وسى زفت الطين أللى سايبها سداح مداح
الله يخرب بيتة بوظ الصناعة أكتر ماهى بايظة

الاثنين، 13 سبتمبر 2010

بلاعة واحدة لاتكفى


أنا ساكن بمنطقة السيدة زينب يعنى (بلد القنبلة)

إمبارح نزلت عند قهوتنا
وقلت أقعد شوية وكان فى ماشاء الله بلاعة مسدودة ومبهدلة الدنيا
قولت أروح عند مبنى الحى أجيب السباك بتاع بلاعات الشارع
أللى متعود من وأنا صغير أجرى أناديلة كل لما بلاعة تضرب
وسبحان الله عمره ماسمع كلامى وجه يسلكها ألا لما (يقفش)
المهم كالعادة ماعبرش أمى ونفضلى قولت أروح لة تانى يمكن
يزهق منى ومن زنى ويجى يشوف الدنيا الغرقانة بمية المجارى
لاقيتة قاعد بيحشش هو وبعض الزملاء معاه ....
وفعلا فضلت أزن علية شوية لحد مازملائة هما أللى زهقوا
قام واحد قايلة: ياعم الصاوى قوم شوف الناس عايزة أية
ماتفصلناش
المهم أونكل الصاوى خد عجلتة والأسياخ أللى بيسلك بيها
وقالى أبقى حصلنى على هناك
أنا قولت الحمد لله خلص الموضوع ...
أول ماوصلت لاقيتة بيلم العدة وخد بعضة وكالعادة قفش المصلحة
وقام ماشى .... يادوب ولعت سيجارة
ولقيت البلاعة طفحت تانى ومعاها كمان البلاعة الأم أللى على ناصية الشارع
وبلاعة أخرى كمان كانت فى أخر الشارع من الناحية الأخرى...
أخدت بعضى ورحتلة فى ساعتها رد عليه وقال :وأنا مالى أنا سلكت
وماليش فية قولتلة ياعم الصاوى دة انت سلكت جيوبى مش البلاعة
قام قايلى بغضب :أمشى ياض روح على بيتك
وبدون نقاش أخدت بغضى وطيران على البيت
وأنا فى الطريق بفكر:ياترى عم الصاوى شرب مية المجارى علشان يعلى بيها الهد
ولا هو كان بيسلك فى حتة تانية ومش واخد بالة
قائلا: حتى البلعات طفحة منك ياحكومة

الأحد، 12 سبتمبر 2010

أنا عاوز أتجوز بالمرة ....(خاص)


أنا فاتح قهوة والشعر بألفة وأنا بعمل الشاى وبكرس المعسل
وبحب منير وهانى وفؤاد وأصالة وأليسا وبحب حنان ماضى
وبحب الناس الرايقة أللى بتضحك على طول
أما العالم المتضايقة أنا لأ مانيش من دول

وبحب أقف فى طابور العيش بتاع الموزز

وبحب مسلسل هند صبرى (عايزة أتجوز)

وأنا مش بتاعة الكلام دة

أنا كنت طول عمرى جامدة

وأحلى مافى السفالة .. مقلب الزبالة

وكفاية كدة قوالة .. كدة أتحققت العدالة
.............................................
مع تحيات .. القهوجى

الجمعة، 10 سبتمبر 2010

هيه هيه (العيد جه)

كل سنة وأنتم طيبين
ومن أبواب الرحمة قريبين
فرحنا فرحة العيد
والحكومة نازلة تبديد
والشعب فرحان أية الجديد
الحكومة أخرت ساعة قبل رمضان
ورجعت قدمت ساعة فى العيد
يعنى من الأخر الدين بعيد
قاعدين يلعبوا فى التوقيت ..وكأنه توقيت أبوهم
زهقنا من الأشكال دى ..نفسى تغيروهم
فى كونتينر فاضى وأشحنوهم
يروحوا أى بلد تانية.. ينزلوا على شعبها يبوظوهم
كفاية علينا الريس وأبنة.. دول هما أللى دربوهم!!

الاثنين، 6 سبتمبر 2010

كابوس الفقراء

شارك معنا فى دعمه
زى رغيف العيش المحمص

__----_----__

من أجل سرقة مصر
ونهب خيرشعب مصر..!

صدق أللى قال (شر البلية مايضحك)


وأحنا شعب أعوذ بالله علينا مسخرة .. أكبر مشاكلنا بنحولها لهئ ومئ ودلع وشخليل

ودى بقى ياسيدى أحسن من قصة على بابا والأربعين حرامى

وأللى بقوا (واحد وأربعين حرامى)!!


ياترى ياشعب يابجح يالى واخد كل حقوقك ومش عاجبك..!!

يامواطن ياللى كرامتك فوق دماغ البهوات والبشوات ..!!


هاتقول أية المرادى برضة هاتنكت وضحك .. وبعد كدة تفوق على الكابوس الجديد

وتقعد تصوت من الخزوق الشديد..!

ولا تكنش فاكر أن تحت القبة شيخ لا دة تحت القبة ( شيخ منصر )


وعلى رأى أللى قال( أبن الوز عوام ) ولو كان هو حلم الفقرا أو كبوسهم

كان عملها أبوة وحقق أمانى وأحلام الشعب الغلبان أللى واخد على عينة وعلى كل حتة


وقلهالى صاحبى زمان :.... لو النيل كلة أتحول صلصة مش هاتكفى الكوسة أللى فى البلد

ودى أهداء منى لجيمى وأبوة

---________________________---


جيمى ياروش يامدلعنا

بالكلام الحلو نيمنا وسمعنا

سمعنا أسطوانة أبوك ومتعنا

حلم الفقرا دة حلم وجعنا

والبية فى القسم يعلقنا ويرفعنا

ومية النار شربنا وبلعنا

ظلم الحكومة والمر شربنا

دة كابوس وخلاص منة تعبنا

سواد فى قلوبنا وجلنا أكتأاب

من العيلة دى تانى ... لا كفاية عذاب

دة الشعب غلبان وبيصدق

كلكوا مفيش أصل ولا مبدأ
أهداء من واحد بيكره الريس وأللى يجى من نحيتة

الجمعة، 27 أغسطس 2010

نفسى ..أحس الأنسانية

ناعمة ولكن!!!!!!!
نفسى أفهم معناها


نفسى أحس بيها


نفسى أعمل بيها وليها


بيها وليها ومنها راح أامنها


أامنها من غدر الزمان


يالى مذكور فية بالباطل أنسان


نسيت أنا مين وموجود لية


وكأنى تايه فى صحرا ومش لاقية


لاقيتة ...

ولاغيرى لقاه كل دة لية


أتوة فى الصحرة وأضيع أنسان


أقع من طولى مرة وأتنين


وتتلم على جتتى الغربان


تقطع لحمى أللى باقى نساير


ويشرب دمى رملها العطشان


أرضها خاصمتنى


وميتها ماروتنى


كل دة علشان لغدرها نية


نفسى أحس الأنسانية


دة أللى مني محسش بية


يبقى أزاى تحس هية


من صغرى شايل مسؤلية


وحقى راح فى الأنسانية

الاثنين، 16 أغسطس 2010

العجلة من الشيطان

كان زمان قبل المسؤلية
أركب العجلة وأبدل بحنية
وأسمع أغنية السمسمية
ولما كبرت وشلت مسؤلية
بلدى سقتنى كوكتيل أحزان أشى أة على وجيعة وأتعذبت لهفة وشوق
خلتنى كبرت قبل الأوان شوفت فى جرح بلدى الفروق
ولماأسئل على العجلة كمان ينفضولى عافية وزوق
ويقولو العجلة من الشيطان طيب كويس أنى مابعرفش أسوق
ياسياية بلدنا ياعجلة دايرة
نسيتى الزراعة والأرض بايرة
ياسياسة بلدنا ياجنزير وترسة
مش مدية للصناعة فرصة
سياسة وأنا مش فاهمها
لوهى واحدة أنا راح أكلمها
يمكن أظبط معاها معاد
على خير بلدنا بليون سنة حداد

الخميس، 12 أغسطس 2010

رمضان زماااااااااان

رمضانيات وأنتهت * والعباد بيه مش دريانة
وكل مسلم عليها سكت * والكل بيساعد بإيمانة
كل سنة وأنتم بخير حال

رمضان كريم عليه وعليكم

ولكن الدنيا بخيلة بخيلة أوى مديانى ضهرها وهرت قفاية ضرب

أنا تعبت من الأسلوب أللى أحنا عايشين بية حاسس أن الخير قل وقل بكتير

ربنا يتولانه برحمتة فين رمضان زمان فين البركة والخير ..

كنا زمان بنحس بالدفء وبالأمان.. دلوقتى مش حسين غير

بالخوف على أللى فى أدينا وياريت أللى فى أدينا شئ يتخاف علية

موهومين أن أحنا الحمد لله بخير ولكن الحقيقة غير كدة

برضة الحمد لله على كل شئ بس أحنا مضحوك علينه

والحكومة رسمه للشعب شكل غير الواقع

يختلف عن الواقع 180 درجة وبرضة المواطن بيقول الحمد لله على أنه عايش

طيب ماأنت هاتيجى بعد كدة مش هتلاقى نفسك أصلا

والأدلة على كلامى كتير.

وإلى كل من أراد الخير من الطبقة العليا. بطلب من الغنى القادر

ينزل شوارع الفقره وأسواقهم ويبص على حالتهم أللى هما فيها

لو عايزين يحسو أنهم عملوا حاجة فى رمضان( شهر الخير ) كما يقال

يساعدوا الناس أللى عايشة حياتها على الموئد الرمضانية

لأن الموائد الرمضانية سبب وجودها هو عابر السبيل أو فى لغة عصرنا

المغترب أللى مايعرفش حد فى المكان المتواجد فية


وفى النهاية دى فكرة وأنا واثق أنها مش جديدة وغيرى قالها كتير

بس أدينى بحاول ( وكم من حصى تبنى الجبال )

_-----------------------_

(وكل عام وأنتم بخير)

السبت، 7 أغسطس 2010

النشيد الوطنى (صراع فى الزبادى)

ياترى لو كانو عايشين كان دة هايبقى حال مصر
ديمقراطية وقالو أنتخبونا .. والشعب قال حادى بادى


صوتنا ليهم وماسمعونا .. والشعب كبر دماغة وعادى


باعوا الضمير ونسيونا .. وكل الشعب ساكت وراضى


طمعانين فى المعونه .. غير تسليك وسرقة الأراضى


داخل علينه رمضان .. الأب يقول أجيب منين ياولادى

____


يالى فـ كرش المسؤلين مهضومة يابلادى..


مهضومة فى وسط المشاكل ممدود عليكى الأيادى..


أيادى خاينة للأمانة كسرت قلبى وفؤادى..


وفـ نشيدك ياوطنى بقول لك حبى وفؤادى..


من صغرى بقدس نشيدك وبفـخر بأمان بلادى..


دلوقتى ملوش لزمة عندى دة بقى صراع فى الزبادى..



الخميس، 29 يوليو 2010

من غير عنوان (دى أفتكاسة شاب غلبان)

غنيت وقلت ياليل وكان النهار
نبحت حسى فى مواويل والقلب كان والع
قول مش فاهم كلامى أستفدت أية من أللى فاهمة
مواطن وبـبوح بألامى شاب وفاق من وهمة
مهما قولت فى كلام بلدنا مافيهاش سلام
من أول القسيس والإمام لحد الخمورجى والهجام
والزمن بيجرى بينا وخسرنا كل مالينا
وفقدنا أمانينا وخفة دمنا بتحينا
-----------------------------------------
هى دى بلدى وصفتها زى ماشفتها النهاردة وصباح الخير على الجميع

الاثنين، 26 يوليو 2010

المنحوس مكتأب


واحد صاحبنا حياتة متشقلبة ودنيتة متدربكة واخد على دماغة من كل شكل ولون


بوزوة فقر و وشة نحس ... صبر كتير على الهم أللى هو فية . تعب كتير من عذاب

النفس ومش عارف يعمل أية .. فكر يغير حظة بأسلوب التعامل مع بقية المجتمع

قال مش مهم حقى فى بلدى الحمد لله أنى عايش فيها أصلا..

ومش مهم أهلى المهم أن لية قرايب أصلا..

ومش مهم الحب أدينى عايش كدة كدة ملحقش يعترف للى بيحبها بحبة

وأهى راحت لنصيبها أللى يصونها..

ومش مهم الصداقة كويس أنى ليه أللى بيسأل ..

____________________________

ولما أتكل على

*أن لية بلد عايش فيها أصلا بلدة هانتة وبالجذمة أديتة

*وأن لية قرايب...أول ناس باعتة

*والحب مش مهم لقى حياتة كأيبة وعلى حبيبة ندمتة

*ولما أتكل على أللى بيسأل زهقو منة وفى أول محطة قلبتة

______________________________


أنا المنحوس وأللى ضيع وأتساهل

أصبحت منبوذ دة غلطى وأستاهل

ليلى شبه نهارى وتايه فى أوهام

ودة أللى حاسس بية خلاص خلص الكلام

الخميس، 1 يوليو 2010

نفسى أحسهاااا أكتر من كدة

على رأى أحمد مكى
مش ممكن أرضى بغيرك أنتى بيت
حاجة غريبة

لما تكون هى الأمان ومتحسهوش ...

لما تكون هى الأمل وولدها فى التوهان ....

بدل مايسندوها ويساعدوها ... يخدو أللى عندها ويصدموها

أخوتهم صغار مش فاهمين حاجة

وأللى بيفهم منهم بيدولة على دماغة ويقلولو أنت مش فاهم دة لمصلحتك ..

أزاى لمصلحتى واأناحاسس بالغدر فى عنيهم ..

أزاى من مصلحتك وهما دايسين على قلب أمك برجليهم ..

أمى وأمك بتحوينا وفى بيوتها الفقيرة تدارينا وهما أمتلكو القصور ...

أزاى لمصلحتى مش عايز دى مصلحة تغور ...

عايز أمى مصر أللى سمعت عنها ومعشتش فيها عايز الحق فى بلدى

والكرامة لأهل الكرامة تعود!!!

لا تقولى شاب أنتحر ولا فى شهيد على الحدود!!!

لا تقولى أسكت وعيش بدل مايبقالقش وجود!!!

لاتقولى أحنا السبب . ياشعب يامصدود!!!

لاتقولى كلمة حق نحقق بيها الوعود!!!

عايز أمى مصر أللى سمعت عنها زمان...

من أبوية وأجدادى أللى عرفوا يعنى أية أوطان...

أمانى ووعود لبلدى على الشط البعيد

الشمس تروح وتيجى وهيجى الجيل الجديد

هايجى فارد جناحة أللى أنكسر وأندهس

ومساه يقلب صباحة وحياته هاتنعكس....


الأحد، 20 يونيو 2010

أسود لون حياتى

أسود لون حياتى * أسود دة ضلى على الحيط

أسود يعنى مستقبلى * أسود يعنى حزنى

أسود قلب الحكومة * أسود يعنى النظام فى بلدى


أسود موصوف كيانة بالشأم ندارى أية


أسود صندوق حكاوى هانقول على أللى فية


أسمر يالون الجدع النيل كان بيروية


أسمر وحقة ضاع وبيدور علية


أسمر وشاف الذل فى بلد أصول تحمية


أسمر وسمارة عتم من أللى بيجرى لية


بان الكبر على شكلة والطريق لسة مسدود


بان الظلم على بلدة والحق مالهوش وجود


بان الجهل فى ولاده بفقر مالوش حدود


بان المستقبل أسود والحكومة بتقول وعود


رعب فى قلب البنية على أبوها الغلبان


يكون هو الضحية فين أحساس الأمان


رعب فى قلب المواطن من غدر الغربان


يكون الصم واصل للجنة حقوق الأنسان


أسود صندوق حكاوى نقول تانى أية


أسود موصوف كيانة بالشأم ندارى أية

الأحد، 30 مايو 2010

التراب الناعم .........!

الحياة كلها تسوى أية

أنا كنت النهاردة فى دفنة أبوا واحد صاحبى بس كان يوم. لووز . لووز . لووز .

نزلت التربة وكانت فيها نسمة غريبة عن النسمة الدنيوية

نسمة تسمى بنسمة التراب الناعم وتخيلت لو أنا هاعيش ميت على طول

وكانت النسمة دى الهواء أللى بستنشقة بدل الهواء الدنيوى..

وكنت من أهل التراب الناعم

أذاى هاقدر أعيش بين البشر وفى أى شكل مصاص دماء

ولا فى شكل شبح .... أيوة هبقى شبح

وقلب الشبح مابيندبح ... خلاص أنا هاعيش بين الناس كالشبح ..

مش هاخلى حد يحس بوجودى من عدمة .

هاكون أنسان هوائى وبلا معنى وغير مؤثر فى الغير وتأثيري هايكون لنفسى بس ...

أيوة أنا وبس

وهى دى العناصر أللى هامشى عليها

1-ممنوع الأحساس بالعاطفة . أيوة هاقتلها جوايا

2-مش هادون تانى . لأنى مدون فاااااااااشل .. جدا جدا

3-مش هافكر فى بلدى . أة كاكوميرا لبلدى

4-مش هاهتم برأى الغير .. بس هاقدر عارض الرأى

5-هاعيش أقرأ بس .. لأن دى الحاجة الوحيدة أللى بقدر أتحكم فيها
أللى بيعجبنى هاقرأه وأللى مش هايعجبنى برضة هاقرأه رخاااااامة.

**وكدة هابدأ أبقى رخم بجد وهابقى شبح بالنسبة لنفسى وأللى مش عاجبة

أسف فى اللفظ (كيلو سمك)

الأحد، 23 مايو 2010

أنتخابات نزيهه..! ربنا يخلى أم سرور


أنتخابات نزيهه... ولا فتحية؟



حبيت أكتب . كتبت صوتى على ورقة

الورقة طارت ووقعت عندهم فى المرقة

والمرقة مرقة كوسة هاتفرق أية مش فارقة

لأ فرقت ياأبن بلدى غفلوا الشعب سرقة

والسرقة حرفة الحويط وهو دة كبيرهم

عاملهم ستارة لية ينكشفوا يجي غيرهم!!

يابلدى أنا مليت من أهمالى فيكى.

أمتة يبقالى صوت يمكن أقدر أعليكى.

أنا حر خايف أطير يقصقصو ريشى

الحكم لو بالصوت أنتى راح تعيشى

تعيشى أحنا نعيش بأدينا نحميكى.

نتحدى كل العالم ونتباها بيكى .

حلم جميل ونفسى يابلدنا نحققة.

الحكم يكون بصوتنا من غير مايسرقوا.


الاثنين، 3 مايو 2010

المسافات فى نظرى أية( يا دورى ياان __ نجا هوكى دورى يان)

موضوع شخصى

مسافات الحب!!. فى نظرى أنا أية ؟




لما أكون بحب ومش طايل؟ عادى ناس كتير كدة!




لما يكون أللى بحبة مش عارف شعورى نحيتة أية؟ عادى كتير برضة!




لما يكون أللى بحبة أنا نفسى مش عارف احبة أو أزاى أحبة ..!




دى وجه نظرى. هى دى المسافة مابينى وبين أللى بحبة..




أنا مش عارف يعنى أية روح واحدة وجسدين !!




ولا عارف يعنى أية أللى بيخلينى سعيد وأنا جنبة




بس أللى عارفة. انى بتكتف لما ببقى واقف معاه.




ولما يقرب منى ولو خطوة. قلبى بيفضل يشلت فى صدرى.




علشان شايف قدامة حتة منة!!




أسمها فى صفات كتيرة.. ونفسى بأسمها تنعم علية فى القرب منها.




ولكن الخوف .




الخوف دايما موجود جواية أنى أخسرها




أرجع وأقول انا راضى. كفاية باشوفها وبتكلم معاها .




أنا تايه فى حبها ... الحب الحقيقى بيجى فى حياة الأنسان مرة واحدة بس!




أيوة!.. بيه هانعيش من غيره هانعيش.




بس لية نعيش من غيرة بدل لاقيناه.. فى ناس بتعيش وبتموت




من غير ماتلاقية .!!




بينى وبينها مسافة نفسى تقربنا من بعض . مش تبعدنا عن بعض




لأن المسافات. يأما تقرب . يأما تبعد .




وأنا بصراحة مقدرش أبعد عايز أقرب




وياب هى تسمحلى أقرب..


_________________________________




وبحب أقول للى لقوو حبهم زى أللى (من مصر)




حافظ علية وراعى ربنا بجد فية




---------------------




السبت، 1 مايو 2010

أحداث مؤسفة

الحق مش بالشكل دة
عمل جناية الثأر منه خدوة *


أخدو حقهم من غير مايرحموة *


من غير تفكير قطعوه وقتلوة *


ربطوة بحبل فى عربية وفى الشوارع سحلوة *


عروو جثـتة وعلى عمود نور علقوة *


ودة حال المصرى فى البلد الشقيقة ياهوو *


ليهم حق ولو ليهم حق يخدوة *


فى قانون مش بالطريقة دى يعدموة *


ياحكومتنا أعملى حاجة بأمانة *


فينك ياعروبة دى العروبة ماتت جوانة *


حكومتنا تقول كلب وراح ماهو غلطان *


أشهدى عليهم يالجنة حقوق الأنسان *


لما المصرى جوة وبرة بلدة متهان *


جوة بلدة عايش جبان *


وبرة بلدة من غير أمان *


مصر خلاص بقت فى النسيان *