السبت، 27 مارس 2010

جروح وألام والأسم ( سلام )

فلسطين فى بحر الصهاينة غرقانة

والعروبة خلاص ماتت جوانا

من غير هتاف ولاكلام


سرقوا الأقصى وقالو سلام


رسموا اللعبة علينا تمام


وأخدوا رمز من رموز الأسلام


هدوا المنبر وقتلوا الأمام


وأحنا تغفل عنينا وبنام


لا والله ماهنلقى راحة


أنا مصرى وبقولها بصراحة


مش هرتاح ولا تغفل جفونى


ألا لما يهلك العدو الصهيونى


بيقتلوا فى الأطفال الرضع


جدار العروبة خلاص أتصدع


بيقتلوا فى النساء والكبار


العرب بيتفرجو من ورا الستار


هدوا البيوت وحرقوهم بالنار


ربنا عليهم المنتقم الجبار


الثلاثاء، 23 مارس 2010

لست قلبى أنما أنت كلبُها


حب ! معنى الكلمة دى أية؟ من وجة نظرى (ح) حرب . (ب) باردة .


لا وباردة أكتر من الثلج . معلش الموضوع شخصى شوية .


يعنى أية أفدى أنسان غيرى بحياتى وعلشان أية


وأزاى والأنسان دة مايستاهلش أى حاجة الحب دة عامل زى


الزحليقة أللى مليانة أمواس وتحتيها حوض كلونيا


يعنى متعة وريحة زكية وجميلة !! . بس تشريح وجروح


وأللى أوجع من دة كلة حرقان الكلونيا فى الجسم!!


هو دة الحب بالنسبالى !!! ولو حد عندة أعتراض يخلية لنفسة


لأنى إلى وقتنا الحالى وأنا قلبى ملكها علشان كدة مش عارف أحس بحد


وحسيت أنى جبلة أوى وزيى زى الحيوانات من غير قلبى..! دة حتى الحيوانات


عندها رحمة وقلب يعنى مثلا فى عيد الأم كل الناس بتجيب


لأمهاتها هداية أو على الأقل بيقولو كل سنة وهى طيبة


أنا لا جبت هدية ولا حتة كل سنة وهى طيبة


وبجد مستحقر نفسى أوى ومش حاسس بوجودى ولا قادر أقولها


ليها ولا عارف أرضيها طيب أنا عايش لية لما أمى وأبويا خسرتهم


وأخواتى مابكلمهمش وقلبى مش ملكى ملك لواحدة خاينة


وحياتى متلخبطة وبقالى أكثر من أربعة أيام مقاطع الناس كلها حتى أصحابى


وفكرت فى الهروب من الواقع معرفتس يعنى خسرت كل حاجة


وكل دة بسبب أللى أسمة حب وأصبح قلبى كلب الست!!


وكوكو واوا ياحكومة

الأحد، 14 مارس 2010

(كوكو واوا) الشعب

العائلات والأسر المصرية
لبانة فى بؤ كل مصرى مكافح ...(حسبى الله ونعم الوكيل فى الحكومة)..!!


وأنا واحد من المواطنين وأحب أن أقول من موقعى هذا (حسبى الله ونعم الوكيل) برضة فى الحكومة


كنت معدى النهاردة فى شارع القصر العينى وشوفت ناس كتير قاعدين فى الأرض وجايبين هدومهم


وأللى جايب حلل. وأللى جايب بوتجاز. وأللى بيغسل. وأللى بينشر وعايشين حياتهم فى الشارع



وفوقيهم لوحات مكتوب عليها (الأعتصام من أجل شركة الغزل والنسيج )1600 عامل يرفضون


غلق شركة الغزل والنسيج ..!


والله مافى حد موسخ البلد دى غير الحكومة ..


ولو كان فى حرامية مافيش حرامية وهليبة غير الأمنة بتوع المحروسة (مباحث) ..!


وأصبحت ( كوكو واوا ) هى (حسبى الله ونعم الوكيل) وقبل ماأنهى الموضوع أحب أقول

للكبير (كوكو واوا ياريس)..!!


علشان أنتا لو بتحافظ على شعبك صح. ماكنتش هاتسيبة يتبهدل فى الشوارع كدة


على يد شوية متـ.........عيب أنا مؤدب وربنا على كل ظالم!!!!!


السبت، 6 مارس 2010

زواج على ورقة ( بفرة ).!.!.!.!.!.!.!

دة كان زمااااااااااااااااااااان
وأنا صغير. ماكنتش بصدق أن فى ولد وبنت ممكن يتجوزوا من غير ماأهلهم يعرفوا .!!!


وكنت فاكر أن الأفلام بس هى أللى فيها جواز عرفى. لكن الواقع غير كدة !


فجأة بدأت أكتشف أن فى بنات أغبية لسة بيصدقوا كلام أى شاب يقول كلمة بحبك .


ويسلموا نفسهم للشاب من دول. ويبقوا عايشين معاهم فى وهم وكدب ومش عارفين


كان ممكن البنت من دول تسأل نفسها. هو لو كان بيحبها مش هيخاف عليها زى أمة أوأختة ؟


ولو كان بيحبها زى أمة أو أختة هل هو يرضى لأختة كدة؟ أو يرضاها لأمة؟


ولية هو مايتعاملش مع بنات الناس بضمير صاحى وبحق ربنا..


:أنا هاحكي ليكم حكاية حصلت وعشتها بس كامشاهد للحصل:

__________________


واحد صاحبى فى كلية تجارة القاهرة. خريج مدرسة لغات. يعنى لية أصحاب بنات كتير جدا


وزية زى أى شاب صايع حشيش وبنات وسهرات وهكذا يعنى.


كنت معاه فى سهرة من أللى بيعملهم هو وأصحابة لكى أكتشف كيفية الصياعة .


وفتحت معاهم سيرة الأرتباط المشروع والغير المشروع . لقيتة مطلع من محفظتة


ورقة بفرة. ودى مش اى ورقة بفرة. دى ورقة جواز عرفى ! أيوة كاتب عقد الجواز على ورقة بفرة..!


وأزاى هى سمحت بأن العقد يتكتب على ورقة بفرة.


رد وهو بيضحك: ماكنش معانا غيرها


قولتلة: وأنت عايز تفهمنى أن أنتوا كدة متجوزين.؟


قال: لاطبعا


قولت :وهى مصدقة؟


قال: أة طبعا


*ساعتها أندهشت جدا وقولت بينى وبين نفسى أية شغل الأفلام دة .هو لسة فى بنات بالغباء دة .


وأزاى هى تسيب نفسها بالرخيص كدة. هى مابتفهمش ولا أية. وهى يعنى مش عارفه أخرتها معاه أية.


ضيعت نفسها علشان حبت واحد مايستاهلش. وفعلا هى كدة أللى سوت نفسها بالسيجارة.!


الواحد باخد أية من السيجارة غير دماغة وبعد كدة بيرميها وبجذمتة يدسها!


وعلشان كدة من موقعى هذا...


أحب أن أنوه لكل بنت:. أوعى الشيطان يغويكى ويضحك عليكى وتطوعية.


وربنا يستر على كل بنت غير مؤهلة بالخبرة .




وصباحكو نادى بأذن الله..............

الثلاثاء، 2 مارس 2010

تعبت..!! مع أنى من نيلها شربت


كتبت ليكم حتاية حلوة كدة يارب تعجبكم....


كنت قاعد على النيل تحت .. قدام سميراميس .. وقلت أكتب حاجة وأنا قاعد


والحمد لله اليوم عدا على خير وسابونى ولاد الـ****** عيب أنا مؤدب هما.....!


لسانهم دايما بينقط عسل . مناخيرهم بتعزف أحلى الألحان وكأنة بينام وهو صاحى .


بيحسسك أنة سيد العبيد . وهو ماحصلش سيد قشطة بس تقريبا بينعر زية!



ماعلينا الحتاية أهى ويارب تعجبكم!

_________________



فكرت أسيبها مش عارف! أنا لسة بحبّها

*

ولا من كتر الـظـلــم فيها زهقت منّهـــا

*

عمــرى ماجت فى بالى كلمة كرهّتـــهـا

*

مهما كان فيها تلوث بحب هواها وجوّها

*

أمى وأمك وأم العالم ودة باين فى أسمها

*

مصر أم الدنيا مافيش فى البلاد شعبهــا

*

عـــايــش وصابر فيهـــا وكــأنة قلـّبهـــا

*

يـُقـف تـُقــف مـاتـلاقــــيش حد يشدّهــــا

*

مسؤلـينها الكبار مصوا دم الشعب ودمهـا

*

ودمها ياسدنا كنوزها وتراثـها وأرضهـــا

*

وبالمخدرات خلوا الشباب شوّهوا شكلهــا

*

بعد الفســـاد والفقــر يبـقـّى أية تانى عندها

*

فـقـدت الأمل وقـلت أســافر بعيد عنهـــا

*

أفـتكرت شربة مـــية من نيلــها شربتهــا

*

أزاى مبّـقـاش من أللــى بيمسحوا دمعهـا

*

شميت هـواها وأرتعش ضميرى وقتهـــا

*

أصحى ياضمير وقوم هــات منهم حقهــا

*

أللى هو حقى وحقق وبية نوصلها مجدهـا

*
بصيت فى النيل بنظرة شجاعة وتخيلتهـا
*
بعد التجديد نــزاهــة السُــلـطة وحكمهــا
*

رنت أيـدة على قفاية وسمعت وقتـك أنتـها

*

قمت وجذمتى فى أيدى فى البوكس لبستها


معلش ياجماعة دايما فى الأخر باخررررف !