أنا _ ماأكون

حبيت أكون ....... ولمست فــ قلبى الجنون
وأتماديت جواكى . جوة جوف قلبك لاقيتة حنون

فاحبيت أكون....

نار تنور طريقى جواكى .
تلج يبرد النسمة فـى هواكى.
أشيل العلة من قلبك وأكون دواكى.

وحبيت أكون ..

مركب تايهة فى عرض البحر وترسى فى مرساكى..
أكون حلم فـ طلعة نهار . وفارس مايتمناش سواكى..
أكون سهرة فى عتمة ليل . أكون الضى فى سماكى..
أكون زرعة فى أرض قوية عفية صبية..
ماتقبلش فـ يوم ولا حسنة ولا دية ..
تدى السنابل خضر بحنية..
تقطفى ومهما تقطفى . تكون مبسوطة ومرضية..
فـــاحبيت أكون.. زيها هى...

وحبيت أكون كلى سهر وكلى شجن..
وما أكون جواكى أنسجن..
فاحبيت أكون جواكى حر . واوصل مع قلبك على بر
حسيت أنى فى بعادك بنضر . وعلى أفضال سجن قلبك أعترف وأقر
أنى فى حبك ملئ قلبى الظنون . وأنى بحسن الدنيا كنت مفتون
وإللى يفكر يبعد عنك يكون ملعون..

وإن أنا بدون قلبك.... ما أكون

-----------------------------
تحياتى
salamoni

أهو جة ياولاد

حمد لله على سلامتشى أنى جيت بالسلامة من الجيش ودى أول أجازة لية
ماعلينا المهم أنى حضرت أول 9أيام من رمضان فى الجيش
وكنت فاطر لأسباب فنية وخاصة
وكتبت وأنا هناك حاجة تشرح الحالة النفسية لية ولبعض زمايلى
إلى أخرة......
------------------------------------------

أهو جه ياولاد
برغم الألم وبرغم البعاد
وغصب عنى قبلت العذا
وأقمت الحداد
ودمعة عينى زادت فى العناد
وأهو جه ياولاد أهو جه رمضان --- وفقدت فية الحنان
وفقد الصحبه والجران.... ونسيت كمان .... إحساس الأمان
أهوجه رمضان .. عايش على ذكرى كل أيامة زمان
حالة جنان ... إنك تعيش فى وسط غابة مجرد إنسان
إنسان ضعيف ... عايش فى وسط العفن نظيف
ويعدى ( طيف )... يفكرك بذكرى كل أيامة زمان
وأهو جه رمضان ... وفقدت أهلى والأحتضان
وفقدت فيه .. سعادة ليالية .. والفرح والخير إللى ماليه
وسألت نفسى إزاى وليه.. ردت وقالت دا النصيب هاقولك أيه؟
أهوا جه رمضان.. ياعمرى إلى جاى وعمرى إللى كان ..
دى رسالة من فاطر- وعطشان ..
كتبها بدمعه.. ومحدش كان سامعه..
كتبها لأهله وكتبها لناسه .. لقلبة إللى داسه..
لقلبة الحبيب .. ومحبرته جرح مالهوش طبيب ..
كتبها من أرض كان فيها غريب ...
وأمنت الهوا وأمنت السحاب . يوصل كلامى .. وألامى.. وسلامى..
وأمانة ياطير.. توصلها للغير.. وتقول لكل ناسى
كل عام وأنتم بخير...

--------------------
كــــــ عـــ وأنتم بخير ــام ـــــــل

علمانى .. ليبرالى.. (تمر هندى)

أخرتها الغرب هايطلــَع لنا لسانة...

أبدأ كلامى ( بسم الله ) وياريت مش علشان بدأت كلامى بذكر الله يبقى انا بقيت تبع الأخوان
الأستاذ المثقف أللى يقول انا علمانى ( أحب أقولة ربنا يهديك)
والباشا برضة المثقف أللى يقول أنا ليبرالى (أحب أقولة نفس الكلمة برضة ربنا يهديك)
والأستاذ أللى يقول أنا أرضي ربنا أحسن وأكون تبع الأخوان ( أحب أقولة كن تبع الله قبل الأخوان )
لأن الأخوان مش رسل ربنا فى الأرض ....

-------------------------------------------
يا شعب همجى وأنا منكم همجى زيكم ..رجعنا تانى غابة
بس المرة دى غابة بلا قانون. غابة الكل عايز يطلع فوق كتاف بعضة.
الكل عامل فيها القرد إياه.. إللى بيفكر فى مصلحتة وإللى بيفكر أزاى يحكم
ياغابة مش عايزة غير أسد .. لكن الأسد أمرة أتفسد..
وكل واحد نسى أنه يبدأ بنفسة . أيوه لازم أغير من نفسى
فين الكلام ده فين ..ولا دول كانوا كلمتين سخنين
محشورين فى الحلق .. ونسينا رب الخلق
نسينا أن مفيش مثقال ذرة بتحصل ألا بإذنة..
ولما ربنا أكرمنا ووفقنا يوم 25 .. الكل عايز يلفقها لنفسة
أو للشعب كلة عموما...
وفين توفيق أللى خلقك ورزقك ( يااااأبن أدم ). فين حقة عليك فين الطاعة
فين الحمد والشكر فى السراء والدراء ولا أنت شايف أن الدنيا أهم عندك من الأخرة
والله لو فضلنا البعد عن الكلام فى الدين ولا هانطول دنيا ولا أخرة..
أتجة لله وأصلح من نفسك وخلى توكلك على الخالق الرزاق
وربنا سبحانة وتعالى عمرة ماهيخزلك .

وعندك أكبر حكمة ومثل(سيدنا إبراهيم)علية السلام..
الفترة فى العبادات
لية أنت مش عايز تطبقها فى المعاملات

درس ماذكرتهوش..!!

لماذا يأتى الغدر من اعز الأصدقاء ؟ سؤال يطرح نفسة كل يوم وكل وقت .؟ لماذا الموثوق فية ؟ لماذا أعز صاحب؟



وياااااااامراحب.
يامراحب باللعب بلإحساس . مراحب
يامراحب بالغدر من أعز الناس مراحب
فلتت عقارب الزمن والوقت ساحب..
من كثرة جراح الهوى .
لون الجبين مخطوف وشاحب..

أعز الناس يبيعوا والصدمة مرة..
أمر من صبر السنين .
على الخاينين الغدارين.
المتلثمين فـ توب المجاريح المهزومين.
والغلابة والمساكين..

وأنا أللى وشى جريء .
قال متلطخ بطين.
قال وأنا أللى أستغليت
وبعت الرخيص بيعة الغاليين..

ومن بعد ماكنت فـ هدنة
مسحت وشى بتراب أرض المعركة
قال أية دى كانت فذلكة..
وهو زى الفارس أللى باع جوادة
لأجل مايشترى لقمة وهدمة لأولادة
وأعلن فى الأسواق مزادة
وباع فيهم الدرع والسيف

ومن ساعتها عامل زى إللى على جبل وكفيف..
متوارى من قسوة الزمن فى عش بوصة خفيف
وتابع لكلب أجرب وصوتة نحيف..
يعوى .. يحضر أحسنها وسواس حريف
. قصة وأتحفرت فى العقول..
وبطلها خاين ومالهوش فى الأصول.

ومالهوش أمان تانى
حتى لو زى أى صاحب ...
ويامراحب بالغدر من أعز الناس مراحب
يامراحب باللعب بإحساس مراحب
-----------------------

تهييس سكاااره

سكران بيندب حظه قال

سجل ياتاريخ ........ حوار فشيخ
مابين نظام فاسد وشعبة
ووصل حبالة ...... وروق باله
وزى مسرح العرايس حرّكة ولاعبة
وصورة لية ... وصورة ليك
وصورة للى بيناديك
جاه ومال فاكرة حاميك
وأنا من غلبى وفقرى صابر عليك
وفى الميدان سلوك ومتاريس
وكام شاب راح للجنة عريس
وشباب من يأسة شاف.. شق نور الأمل
نام وبات وأعتصم وماحسش بالملل
وإللى فداها بدمة
وإللى لضمها فـ خيط جرحة وغطى على همة
وإللى دندنلها من قهرة ومن غمة
وإللى صرخ وإللى زعق وإللى هتف
وإللى كان نازل الميدان وليه هدف
... وسجل ياتاريخ ..... حوار فشيخ
مابين نظام فاسد وشعبة..
ووصل حبالة ..... وروق بالة
وزى مسرح العرايس حرّكة ولاعبة
.......
ولو قابلت الناس أللى بتعبد القرش
وواقفة ورا الجنية...
جرب كدة وأسألهم
الناس أللى فـ الميدان دى بتعمل أية...
هاتلقاه بيرد يقولك ..
ربنا يوقف حالهم يابية...
....
وهو مش فاهم هو بيتسأل عن أية ....

كلمة يقظة

كلمة يقظة وكلمة حق من أجل التصحيح

.

علشان تكون أنسان سوى....قوى

.

لازم بالحق تقف فــ وش غدر الريح

.

أوعاك تستنى مسؤل من بتوع القرارات أو التصاريح

.

وحافظ على حقوق أخوك وأتعلم من أطفيح

.

أتعلم تراعى حقوق جارك أبن دين السيد المسيح

.

وطبعا المشكلة مش محتاجة تقارير أو توضيح

..........................

دى يد خفية بتخرب وسطنا

.

مسلم ومسيحى لازم نحافظ عل أرضنا

.

دا طبيعى ولازم نفديها ونرويها بدمنا

.

والأرض عمرها فــ يوم ماسألت

أيد مين أللى غرثت زرعنا

.

أيد بترسم على الصدر صليب

ولا أيد مرفوعة فــ السما وبتدعى ربنا

.

طول عمرنا مسلم ومسيحى

عايشين جران فى سلام وخير

.

مش بتفرق فى المعاملة

أبن مســـجد ولا أبن ديــــر

.

أتوحدوااااااااااااااااااااااااااااا ............. وعمروا الوطن



............. خلونا نحس بالتغيير ............

==================================

تحياتى

رسالة من أرض حرة

إلى كل من يقول أن ماحدث خطأ (خوفا على المصلحة الشخصية).... لا

طين أرضى ندانى ... وهمس ليه فى ودانى
(قالت الأرض)
لاراح تروينى ميتك ... ولا راح أحضن بزرتك
ولا راح أطرح ثمرة ألا لما الحق يرجع
غير لما يتحاسب الظالمين على الملأ والمسمع

وراح أكسر سن فاسك ... لوماحاكمت إللى خانونى
وبالرخيص صدروا رزقى وباعونى

وأكلوك الحطاب ... وسفـفـوك التراب
وعروا لحمك للكلاب ... وسابوك من غير سند

ولما جت ساعة الحساب ... وقامو أخواتك بالإنقلاب
صرخت فيهم بالعتاب ... وطلبت من الله المدد

أزاى وربك أسمه الحق ... وأخواتك معاهم كلمة الحق
ومابينهم شهداء الحق ... ومنهم فى الميدان سجد

وأنت ماخفتش غير على مصلحتك ونسيت باقى أرضى
(رد وقال)
سامحينى ياأرضى كنت خايف على رزقى وعرضى

(ردت الأرض)
لكن أنا دلوقتى من دم ولادى أرتويت
وراح أترح ثمرة الخير وأعمر البيت
ورغم أنك على حق أخواتك أتعديت

هما يسامحوك أن هاسامـــح
وبأديكم ياأولادى ضد الفساد هانكافح

وسلامى ليك أنت وأخواتك
وبأيدك تغير للأحسن فى حياتك
-----------------------------

التوقيع: أرض مصر

___---___

تحياتى

نصيحة لـ(ـبلاد العرب)

مصر اليوم

يابلاد العرب

شَهـد من شَهـد **وأنتصر من أجتهد
فى ثورة بلد **وراح شهيد الولد
مادامَ على ربه إعتمد
وذكراه بيننا للأبد

فالشهيد عند ربه
فى جنة الخلد تجرى من تحتة الأنهار
كونوا حقا ًًًًًً أحرار

بعزيمة وإصرار

غائبين وثوار

بلاتخريب ولا دمار

وأعلنوا مصر حرة
بيد أبنائها الثوار

كانوا عيونها الساهرة
ليلاًً ونهار

وتحيا بلادى

مصر الأمان

مصر السلام

مصر الحق والإحترام

___====___====___

وألف ألف مبروك لنا جميعا ًً

(سلامونى)

لقد عاد (وأدرك)

نسجت خيوط الأمل فى شجرة أحلامى

_____________________

قلة حيلتى . فى أمر حبيبتى

نسيت كيف هى حياتى . وجفت دمعتى

ألهمتنى كثيرا . والفراق كان خارج حسبتى

كرهت كل شئ . بين فعل وعمل

بات إحساسى بالسعادة قليلا . وفقدت الأمل

إنكسرت فى أعماقى . وفراق الحياة غير محتمل

رفضتنى بإحترام . أقول كلماتى بلا خجل

فى وجه كل فتاه . أراها هى الأجمل

وصفًً وأدبًً وخلقًً . وغير ذلك لا تفعل

أصف عقلها دائما . بالحكمة والسكينة ولا تعجل

وهبت جنون قلبى لها . ولم ألتمس الحنان بقلبها

أضحت حياتى مرا ًً. ولا أعرف مذاق عسلها

شب الهرم فى وجهى . وأزدادت هى بحسنها

وهمت بأحلامى كثيرا . وكان هذا ذنبى وليس ذنبها

ليتنى أعرف للبكاء مصدراًً غير عينى

لأن جفنى جفانى يوم الفراق بينها وبينى

___________-------------____________

تحياتى

قضية مواطن

مازلت غارقا ًً فى أحلامى
لا أتزوق إلا المر فى أيامى
مجبر علية فى الحياة إلزامى

أصبحت كهلًً فى أفكارى
روحى عجوز ساخط فى حوارى
حبيس فى ظلام وأرتفعت أسوارى

وكأنى خيلً مصاب منتظر الموت
وكأنى أصم لا أسمع صوت
وكأنى فارقت الحياة قبل ذلك

تعذبت بقبرى وتذوقت المهالك
أنتظر يوما يمر بلا وجع
أسهر الليالى وأفعل البدع
من عمل لعمل بعزيمة قوية
وذلك لأنى مصرى وهذة هى القضية
قضية مواطن يتمنى تحقيق أحلامة
بدلا من إحباطة وتكسير أقلامة

-------------------------------

مع تحيات / القهوجى

ذكرى َََََ يومياتى

أحلام كثيرة غامضة

فرحة حياتى وامضة

مشاعر غاضبة وصامتة

كيف النهوض من النعاس

لقد ضاقت حيلى بالجن والناس

أين همساتى والإحساس

ياقاضى الغرام أتمنى إلتماس

أنظر إلى ..

أنظر إلى كم بى من جنون

أنظر إلى قلبى المسجون

كيف هذا... بلا قلب

كيف يستقر العقل بلا قلب وسكينة

كيف تهدأ الروح بلا نبضاتة الثمينة

وتمضى الأيام ...

وتمضى الأيام وأنا فى الأنتظار

وتمضى الأيام وأنا بين جنة ً ونار

قلبى الثمين سجين مع الأخيار

مصر يابلد الـ(ترتر)

ترتر



لو حد سألك ومش عارف قول (ترتر)

موظف مسؤل من غير مصلحة بيقول (ترتر)

للوسطة والمحسوبية أسلوب الـ(ترتر)

للروتين أللى مابيمشيش ألا على الغلابة(ترتر)

للورقة أللى ناقصة وتقف عليها طوابير

دى ورقة الـ(ترتر)

لما تكون فى زحمة غير طبيعية دة بسبب الـ(ترتر)

لما تبقى بتخلص دراستك

ويطالبوك برسوم دى رسوم الـ(ترتر)

لما تروح التأمينات ويرجعوك

دة بقى علشان الـ(ترتر)

لما أمك تدوخ فى المعاشات

بتدوخ علشان معهاش (ترتر)

رترت كتير بالكلام

محدش هايسمعك لأنك مش من بتوع الـ(ترتر)

وصيه لـ حبيبتى

ده كلام واقعى

ردك على حبى

خلى فى حياتى ألف لون...

علشان تقرب مني

لازم حبيبى تكون مجنون...

لاجل ماتكسر فى حبى كل الظنون...

شرطى فى حبك لية

شرط وحيد وهو أنك تكون...

تعيش سجين جوه نن العين

مقفول عليك الجفون...

أنت عارف وأنت معاية

ممكن أعمل أية لو بس الهوا مسك...

هاتفدر حبيبى تحسنى

زى ماانا حسك...

حبك لية دة أكيد مسؤلية

هاتقدر حبيبى تعيش حياتك لية...

الحب فى القلب مش فى الكلام

لأن الكلام بيتغير مع الأيام...

أوعاك تكون الكلمة جبر خواطر

أنا مش حمل صدمات تانى

ده شطان النفس شاطر...

ولو كان قصدك تراضينى بكلمة حلوة

لاجل ماكتبت فيك قصيدة وألفتلك غنوة...

هاحترم تقديرك لية

ولو تلميحك لية شئ حسيتة أنت بجد

سعادتى وفرحتى هاتكون ملهاش حد...

------------------------------

مع خالص تحياتى / لمن أمتلكت القلب والروح

خصوصا ً إنك مكتأب (مكرر)

الصورة تعبر عن ألف كلمة

--------------------------------

فكرت أسيبها مش عارف. أنا لسة بحبها
ولا من كتر الظلم فيها زهقت منها
عمرى ماجت فى بالى كلمة كرهتها
مهما كان فيها تلوث بحب هواها وجوها
أمى وأمك وأم العالم ودة باين فى أسمها
مصر أم الدنيا مافيش فى البلاد شعبها
عايش وصابر فيها وكأنة قلبها
يـقف تـقف ماتلقيش حد يشدها
مسؤلينها الكبار مصوا دم الشعب ودمها
ودمها ياسدنا كنوزها وتراثها وأرضها
وبالمخدرات خلوا الشباب شوهوا شكلها
بعد الفساد والفقر يبقى أية تانى عندها
فقدت الأمل وقولت أسافر بعيد عنها
أفتكرت شربة مية من نيلها شربتها
أزاى مبقاش من أللى بيمسحوا دمعها
شميت هواها وأرتعش ضميرى وقتها
أصحى ياضمير وقوم هات منهم حقها
أللى هو حقى وحقك وبيه نوصلها مجدها
بصيت فى النيل بنظرة شجاعة وتخيلتها
بعد التجديد نزاهة السلطة وحكمها
..........................................

كان حلم جميل ولكن مافيش مخضع علشان أحلمة

إعترافات قلب فى غـُربة

جانى وقال امدحنى ياخال

قالى حبيبتى أية فى الجمال

قلتلة حبيبتك مابتحبكش

خالك منين أنا معرفكش

حسيتك غريب من يوم ماعرفتها

وهو مصمم على حبها

ونفسه كمان يمتلك قلبها

قولت. أزاى وأنت ملكها

ياقلبى أفهم لاهى ليك ولاأنت لها

يقولى نبضى وقف عندها

أزاى عايزنى أتحمل مرار بعدها

أقوله أية ياناس ساكت من وقتاها

مخلوق بين ضلوعى أزاى راح لها

راح ومرجعش تانى وكأنة عبدها

مجنون وممكن أسيبة يمشى فى دربها

وأعيش أنا من غيرة ويبقالى حق عندها

وأمشى فى طريقى وحياتى

ويبقى الأمر أنتهى

وهاعيش طول عمرى أنسان
فاكر إللى مديون لية زمان
وربنا ينعم عليه بالنسيان
-------------------------

توقيع الأعتراف : قلب تايه

العيد قـُرحة

زحااااااااااااام فى كل مكان وكأنة يوم الحشر ومع مرور الوقت ينفض التزاحم الهستيرى

وتشعر بسكون فى الميادين والشوارع وما من لحظات فينادى المؤذن بصلاة الفجر

تجد الأجواء تعود كما كانت علية من تحركات كثيرة فى كل مكان يميناًً ويسارا

ولكن المظهر مختلف وكأنة فجر وشروق ينقلق لكون أخر بدلا من الكلام تجد ذكر الله

وبدلا من القميص والبنطلون تجد الجلباب الأبيض .... نعم أنة العيد هذا هو العيد

ولكن العيد حاليا بقى غير مرغوب فية

ومازال العيد مجرد أيام بتعدى علينابنفرح شوية ونرجع نتعكنن تانى بمشاكل الخضار.

والزيت ..والسكر ..والغاز.. وغيرة .وغيرة..ألخ ألخ ألخ

وناس كتير مابقيتش تحس بالعيد فرحة كما يقال بقى العيد عندهم كارثة أقتصادية للمنزل

وأللى رمى أبنة من البلكونة بسبب مصاريف مواسم العيد

وأللى أتخانق مع مراتة وضربها بوحشية من أجل مصاريف العيد

ياترى ياهل ترى الناس دى أعصابها خفيفة ولا أحنا أللى نايمين فى البلوظة وبنقول العيد فرحة

للأسف أنا واحد من الناس أللى مابقيتش بحس بحلاوة العيد..

لأنى حاسس كتير أنى وحيد يمكن الحسنة الوحيدة أللى هاستفيد بيها من العيد دة

أنى هاشوف أصحابى أللى ممكن أكون بقالى فوق الـ6 شهور مابشوفهمش

ياترى ممكن الحياة تتعدل وتبقى أحسن من كدة ولا خلاص علية العوض فى العيد فرحة

وهايبقى ليه تأثير كبير على عمر البنى أدم وكأنة قـُرحة فى العمر ملهاش علاج..

ربنا يتولانا برحمته

مع تحيات القهوجى اليائس

(حبيبى) لك أن تتخيل

شاهدين علية

بيعمل أية

لك أن تتخيل بلا سمع ولا بصر

لك أن تتخيل فؤاد وقد أنكسر

لك أن تتخيل الفراق قد أنتصر

لك أن تتخيل

قلبََ بين يديك أتعصر

لك أن تتخيل

جرح دواه الزمن ولكن له أثر

لك أن تتخيلى

.قلبََ!!

عنتر بلا جواد .. عصفور بلا صوت ..

تملاء دنياه السواد.. ويتمنى الموت..

لك أن تتخيلى

عقلاََ!!

بحرا بلا أمواج .. مغرم بقلب من ذهب

عاشق غرام هياج.. ويتمناكى بكل أدب

لك أن تتخيلى

روحاََ!!

تفقد حبيبها. بعد ماباحت بمافى داخلها

لك أن تتخيلى وتأملى كيف فقدان الحبيب

تأملى كيف الشعور غريب

تأملى متى الليل يغيب

تأملى جرح لا يداوية طبيب

كفااية كدة أحسن تطيري من كتر التأمل ولا حاجة ;(wink

جندى مجند

طول عمرى بشوف جرانى وأخواتى الكبار أيام ماكانو فى الجيش..

والزى العسكرى الممل أللى بكرهه

عمرى ماتخيلت أن فى يوم العجلة هاتلف وهابقى لابسة

أزاى هادخل فى المود العسكرى أللى أنا بنتقضة دايما

والمشكلة أن الجيش بتاعنا أعتبر نفسك فى أيد كفار وبيعزبوك لأنك

(مواطن وشاب وكمان مصرى)

تدخل يامعلم بكرامتك تخرج منة من غير أى حاجة لا كرامة ولا عزة نفس

ولا زرة حب للبلد ولا أللى يجى منها ....

وتبقى عايز تهج وتسيب الدنيا كلها ليهم .(عشتى يامصر)

وعاش قانونك يدمر فيكى مايبنيش يدمر أمال وفؤاد كل حلم مواطن شاب

ويدمر جهد وتعب الفقير.. بكلمة روتين ماتمشيش غير على الغفير

والكبير يعيش فيها أمير... والغلبان يعيش له عبد أسير

يرضيكى دة منطق دة أو تفكير

مين فى البلاد شعب شاف ظلم زى شعبك

صرخة أم على ضناها بتتعب قلبك

خدوة فى الجيش سليم خارج بعد الخدمة

عندة الكلة والغدروف وأمراض تانية كتير

عشتى يامصر ..وعاش القانون والروتين

حبيبتى أنا لست بمجروح

جنان بقى ماتعرفوش ياناس؟ أعمل أية

... حبيبتى !!

أراكى كيف تكونى................ وأنا لا أكون

كيف أراكى بعيونى .............. وليس لى عيون

كيف أصدق ظنونى.............. وحبى فى القلب مكنون

وما بال الشقيق بالعشق......... وأنا بعشقك مفتون

كيف تغفل عنكى جفونى........ والعقل بكى مجنون

كيف أمتلكت قلبى............... وقلبك لم يستشرق النور

نور حبى قد أ ُضيء........... وظلمة قلبك تفقدنى الطريق

وطريقى إلى قلبك.............. طريق الصديق !!

وياله من عذاب ............... تريدينى شقيق !!!

كابوس باليقظة.............. ساعدينى على أن أفيق..

......--......--......--......--......--......

( تهييس الشتا )

ياحنين ياشتا

شئ غريب
أنة جاى علينا غريب
وكأنة أول مرة يجى مع أنة لف علينا كتير
كان ببرق ورعد ومطر وفى العظم لة تأثير
كنا دايما وقتها كشين وفى الهدوم الكتير مستخبيين
دلوقتى جاى هو وكاشش....!!
وكأنة واحد مننا رايح يخلص أجرأت رخصة...
ولا رايح أى هيئة حكومية لأول مرة يخلص مصلحة
من غير وسطة متسوح فى الطوابير الكتير
وكأنة حاسس بينا مش حمل لفحة هوا
فى الوقوف على باب الأتوبيس ..

خايف على طفل يتعب أهلة مايلاقوش يعالجوة
ولا يقفوا بية على باب المستشفى
ويقولو لأبوة لازم من دمك لينا تبيع
ياترى ياحكومة بلدناعندك قلب رحيم زى الشتا؟؟
أكيد تهييسى وتهيس الشتا لة ألف سبب
ودة شئ أنا شفتة وقلتة بالأدب