السبت، 27 فبراير 2010

شرفاء ولكن (لصوص)

ناس ماشاء الله على الأدب والأخلاق باشاوات ولاد ذوات
. عيشين من خير الغير بيقضوا أحلى الأوقات.
عادى جدا ماهو دول أصلهم معدن. مش أى معدن
. دولا من أصل صفيح ...... صفيح مخرم مصدى!!..
سدوا اخرمهم بالفلوس ! والصدى خبوه ورا هدوم على الموضة وشيك
. دفنوا الغلابة تحت الفقر والمرض والجهل
.
وهم وقفوا يكبشوا مالهم وأراضيهم . طمعهم عماهم!
للموت وأخرتهم ويوم الحساب نساهم !
نسيو ببساطة أن رب العباد بالمرصاد وراهم!
خص خصوا بلادنا وفسدوا أخلاق ولادنا !
خلوا الكوابيس أحلامنا وحطموا أمالنا !
أبدا والله الفساد والمحسوبية ليهم أخر !
أنا شاب مصري من الحكومة ساخر !
وفى المعتقل عايز البرش يكون فاخر !
وهناك أقابل كيمو وأقولة قعدنى جنبك أتاخر!
أسف لأنى خرفت فى الأخر بس أهو حبة كدة وحبتين كدة يبقو تلات حبات

هناك 3 تعليقات:

جلال كمال الجربانى يقول...

السلام عليكم

كلنا خرفنا فعلاً
بس تخريفك عجيب وخطير !!
بتتمنى تقعد مع كيمو على البرش ويا بخت كيمو بيك
وليهم يوم البعدا أكيد

ودمت بخير حال

Cute Kitty **sookra يقول...

ماشاء الله على تخريفك
طيب خرف كده على طول وابقى احجزلى جنبك البرش الفاخر المتين دا
مساك شيكولاته

أسمعنى شكراًً يقول...

سمعتونى طب شكرا
والبعبع برضة لية يوم

وأنا على فكرة بحب الشيكولاتة بس مش علشان هى حلوة
علشان البعبع ملا حلقنا كلنا مرار العلقم