الاثنين، 16 أغسطس، 2010

العجلة من الشيطان

كان زمان قبل المسؤلية
أركب العجلة وأبدل بحنية
وأسمع أغنية السمسمية
ولما كبرت وشلت مسؤلية
بلدى سقتنى كوكتيل أحزان أشى أة على وجيعة وأتعذبت لهفة وشوق
خلتنى كبرت قبل الأوان شوفت فى جرح بلدى الفروق
ولماأسئل على العجلة كمان ينفضولى عافية وزوق
ويقولو العجلة من الشيطان طيب كويس أنى مابعرفش أسوق
ياسياية بلدنا ياعجلة دايرة
نسيتى الزراعة والأرض بايرة
ياسياسة بلدنا ياجنزير وترسة
مش مدية للصناعة فرصة
سياسة وأنا مش فاهمها
لوهى واحدة أنا راح أكلمها
يمكن أظبط معاها معاد
على خير بلدنا بليون سنة حداد

هناك 6 تعليقات:

ساسو يقول...

صباح الفل
ايه الجمال دا كله
حال الدنيا كله اتغير
ومش عارفين لسه الدنيا مخبيه ليه

أسمعنى شكراًً يقول...

مساء الياسمين

ولو الدنيا مركب
أحنا بحارة

وياما فى البحر هنلاقى

وياما فى الجراب ياحاوى

mrmr يقول...

مساء القشطه

لالا مساء العجله

لالا بلاش العجله اصل العجله من الشيطان

كلمات مرتبه وجميله

ولو الدنيا مركب واحنا بحاره فيكفى ان الدفه نسلمها لربنا

رمضان كريم

أسمعنى شكراًً يقول...

مرمر
-----
ونعم بالله

بس أنا هاسئل سؤال حد بيعرف يسوق عجلة الزمن؟؟

طيب أمال هى دايرة أزاى

mrmr يقول...

سؤال اجابته بسيطه قوى
عجله الزمن بتسوقها الايام علشان تدور
هههههههههه
اسعدنى وجودى بمدونتك واتمنى التواصل

أسمعنى شكراًً يقول...

salamone_20102000@yahoo.com
دة أميلى ممكن توصلولى من خلالة