الخميس، 19 مايو 2011

درس ماذكرتهوش..!!


لماذا يأتى الغدر من اعز الأصدقاء ؟ سؤال يطرح نفسة كل يوم وكل وقت .؟ لماذا الموثوق فية ؟ لماذا أعز صاحب؟



وياااااااامراحب.
يامراحب باللعب بلإحساس . مراحب
يامراحب بالغدر من أعز الناس مراحب
فلتت عقارب الزمن والوقت ساحب..
من كثرة جراح الهوى .
لون الجبين مخطوف وشاحب..

أعز الناس يبيعوا والصدمة مرة..
أمر من صبر السنين .
على الخاينين الغدارين.
المتلثمين فـ توب المجاريح المهزومين.
والغلابة والمساكين..

وأنا أللى وشى جريء .
قال متلطخ بطين.
قال وأنا أللى أستغليت
وبعت الرخيص بيعة الغاليين..

ومن بعد ماكنت فـ هدنة
مسحت وشى بتراب أرض المعركة
قال أية دى كانت فذلكة..
وهو زى الفارس أللى باع جوادة
لأجل مايشترى لقمة وهدمة لأولادة
وأعلن فى الأسواق مزادة
وباع فيهم الدرع والسيف

ومن ساعتها عامل زى إللى على جبل وكفيف..
متوارى من قسوة الزمن فى عش بوصة خفيف
وتابع لكلب أجرب وصوتة نحيف..
يعوى .. يحضر أحسنها وسواس حريف
. قصة وأتحفرت فى العقول..
وبطلها خاين ومالهوش فى الأصول.

ومالهوش أمان تانى
حتى لو زى أى صاحب ...
ويامراحب بالغدر من أعز الناس مراحب
يامراحب باللعب بإحساس مراحب
-----------------------

هناك 3 تعليقات:

mrmr يقول...

الاحساس بالغدر صعب جداً
وخصوصا لو من اعز الاصحاب ولا يكون من اخوك اللى من امك وابوك
ربنا يرحم

ساسو يقول...

الغدر احساس قاسي جدا
ولازم يوجعنا اوي
وخصوصا لما يكون من اقرب الناس لينا
او من حد مش متوقعين غدره ابدا

يارب يبعد عنك الصاحب الغدار
وحياتك تبقي ورديه
اجمل وارق حياه

Emtiaz Zourob يقول...

مافي اصعب من غدر الأحباب والاصحاب ..
لو أصابك سهم الغدر من عدوك فهذا طبيعي ومتوقع لكن من أقرب الناس .. صعب ، صعب كثير ..

ربنا يبعد عنا وعنكم ظلم ذوي القربى ..

دمت بخير.