الثلاثاء، 23 مارس، 2010

لست قلبى أنما أنت كلبُها


حب ! معنى الكلمة دى أية؟ من وجة نظرى (ح) حرب . (ب) باردة .


لا وباردة أكتر من الثلج . معلش الموضوع شخصى شوية .


يعنى أية أفدى أنسان غيرى بحياتى وعلشان أية


وأزاى والأنسان دة مايستاهلش أى حاجة الحب دة عامل زى


الزحليقة أللى مليانة أمواس وتحتيها حوض كلونيا


يعنى متعة وريحة زكية وجميلة !! . بس تشريح وجروح


وأللى أوجع من دة كلة حرقان الكلونيا فى الجسم!!


هو دة الحب بالنسبالى !!! ولو حد عندة أعتراض يخلية لنفسة


لأنى إلى وقتنا الحالى وأنا قلبى ملكها علشان كدة مش عارف أحس بحد


وحسيت أنى جبلة أوى وزيى زى الحيوانات من غير قلبى..! دة حتى الحيوانات


عندها رحمة وقلب يعنى مثلا فى عيد الأم كل الناس بتجيب


لأمهاتها هداية أو على الأقل بيقولو كل سنة وهى طيبة


أنا لا جبت هدية ولا حتة كل سنة وهى طيبة


وبجد مستحقر نفسى أوى ومش حاسس بوجودى ولا قادر أقولها


ليها ولا عارف أرضيها طيب أنا عايش لية لما أمى وأبويا خسرتهم


وأخواتى مابكلمهمش وقلبى مش ملكى ملك لواحدة خاينة


وحياتى متلخبطة وبقالى أكثر من أربعة أيام مقاطع الناس كلها حتى أصحابى


وفكرت فى الهروب من الواقع معرفتس يعنى خسرت كل حاجة


وكل دة بسبب أللى أسمة حب وأصبح قلبى كلب الست!!


وكوكو واوا ياحكومة

هناك تعليقان (2):

احاسيس آيوشه يقول...

امممممم
يقطع الحب وسنينه مشرد الشباب ومأرق ايامهم :((

بس نصيحة هتريحك مش تفتح قلبك الا لما تتاكد من انه حب حقيقى وانه ليه نهاية وان الانسان ده اللى يستاهل تكمل معاه
وانك هتقدر تسعده

أسمعنى شكراَ يقول...

أحاسيس شكرا كتير على النصيحة بس ربنا يكرم وألاقى قلبى وأنا وعد عمرى ماهفتحة لحد أصلا بس أحس بية !!!