أنتخابات نزيهه... ولا فتحية؟
حبيت أكتب . كتبت صوتى على ورقة
الورقة طارت ووقعت عندهم فى المرقة
والمرقة مرقة كوسة هاتفرق أية مش فارقة
لأ فرقت ياأبن بلدى غفلوا الشعب سرقة
والسرقة حرفة الحويط وهو دة كبيرهم
عاملهم ستارة لية ينكشفوا يجي غيرهم!!
يابلدى أنا مليت من أهمالى فيكى.
أمتة يبقالى صوت يمكن أقدر أعليكى.
أنا حر خايف أطير يقصقصو ريشى
الحكم لو بالصوت أنتى راح تعيشى
تعيشى أحنا نعيش بأدينا نحميكى.
نتحدى كل العالم ونتباها بيكى .
حلم جميل ونفسى يابلدنا نحققة.
الحكم يكون بصوتنا من غير مايسرقوا.
هناك 3 تعليقات:
ميرو
رخامه اول تعليق
احسان
الكلام الكبير ليه ناسه
بدران او بيدرو او الكبير :
تسلم ايدك يا سفير بس المشكلةاننا هنفضل كده وعمرنا ما هنتغير ولا حاجة حوالينا هتتغير
البلطجة و التزوير موجودين لحد امتى يا ترى هعيش و اشوف انتخابات حرة في مصر ولا حفيد حفيدي هيوصي حفيده انه يكون فيه انتخابات نزيهه !!!
إرسال تعليق