أسود لون حياتى * أسود دة ضلى على الحيط
أسود يعنى مستقبلى * أسود يعنى حزنى
أسود قلب الحكومة * أسود يعنى النظام فى بلدى
أسود موصوف كيانة بالشأم ندارى أية
أسود صندوق حكاوى هانقول على أللى فية
أسمر يالون الجدع النيل كان بيروية
أسمر وحقة ضاع وبيدور علية
أسمر وشاف الذل فى بلد أصول تحمية
أسمر وسمارة عتم من أللى بيجرى لية
بان الكبر على شكلة والطريق لسة مسدود
بان الظلم على بلدة والحق مالهوش وجود
بان الجهل فى ولاده بفقر مالوش حدود
بان المستقبل أسود والحكومة بتقول وعود
رعب فى قلب البنية على أبوها الغلبان
يكون هو الضحية فين أحساس الأمان
رعب فى قلب المواطن من غدر الغربان
يكون الصم واصل للجنة حقوق الأنسان
أسود صندوق حكاوى نقول تانى أية
أسود موصوف كيانة بالشأم ندارى أية
هناك 6 تعليقات:
حمدلله عالسلامه
ميرو
حمدلله عالسلامه
عارف يا سلامونى اول مرة تكتب حاجه بحسها بجد
وعارف انها بجد روعه
تسلم لاول مرة
بجد
توكا على دخ نظام
تتحسد ياكيمو أن رأيك يكون إيجابى وعموما شكرا وهحاول أوصل أفكارى دايما بطريقة صح وواضحة
بدران او بيدرو او الكبير:
بجد يا محمود مش عارف اقولك ايه بجد جامدة جدا و صحيت كل السواد الي في قلبنا بس يا ريت كل الي في قلبه سواد ميخافش لان الخوف بيكتر السواد و كل ما يلاقي ادامه فرصة يعمل حاجة للبلد دي ما يترددش انه يعملها
مش هقولك عشان خاطري يا محمود بس عشان خاطر مصر اوعى تبطل تكتب يا اخي خليك انت صوتنا الي نسنا نطلعه
مدونتك رائعه
بجد جميله جدا
وكلامك أجمل
بالتوفيق والنجاح
ياريت تنور مدونتي
إرسال تعليق