الخميس، 1 يوليو 2010

نفسى أحسهاااا أكتر من كدة

على رأى أحمد مكى
مش ممكن أرضى بغيرك أنتى بيت
حاجة غريبة

لما تكون هى الأمان ومتحسهوش ...

لما تكون هى الأمل وولدها فى التوهان ....

بدل مايسندوها ويساعدوها ... يخدو أللى عندها ويصدموها

أخوتهم صغار مش فاهمين حاجة

وأللى بيفهم منهم بيدولة على دماغة ويقلولو أنت مش فاهم دة لمصلحتك ..

أزاى لمصلحتى واأناحاسس بالغدر فى عنيهم ..

أزاى من مصلحتك وهما دايسين على قلب أمك برجليهم ..

أمى وأمك بتحوينا وفى بيوتها الفقيرة تدارينا وهما أمتلكو القصور ...

أزاى لمصلحتى مش عايز دى مصلحة تغور ...

عايز أمى مصر أللى سمعت عنها ومعشتش فيها عايز الحق فى بلدى

والكرامة لأهل الكرامة تعود!!!

لا تقولى شاب أنتحر ولا فى شهيد على الحدود!!!

لا تقولى أسكت وعيش بدل مايبقالقش وجود!!!

لاتقولى أحنا السبب . ياشعب يامصدود!!!

لاتقولى كلمة حق نحقق بيها الوعود!!!

عايز أمى مصر أللى سمعت عنها زمان...

من أبوية وأجدادى أللى عرفوا يعنى أية أوطان...

أمانى ووعود لبلدى على الشط البعيد

الشمس تروح وتيجى وهيجى الجيل الجديد

هايجى فارد جناحة أللى أنكسر وأندهس

ومساه يقلب صباحة وحياته هاتنعكس....


هناك 3 تعليقات:

غير معرف يقول...

بدران او بيدرو او الكبير :
اول تعليق
الي يقدر يرجع مصر دي انا و انت و ككل الي في سني و سنك لان لو الامل مش فينا هيبقى في مين لازم نبدأ بنفسنا و لو كل واحد فينا قال لأ من جواه هتبقى مصر زي ما احناة عاوزينها مش زي ما هما عاوزينها
تسلم ايدك يا محمود

سَارةٌ يقول...

مممممم .. معتقدش ان الجيل الجديد هيكون مصدر امل كبير كده .. يعني اللي خلآنا احنا كده .. هما هيطلعوا انجح منا ف ايه ؟

الحاله كل مدى بتدهور .. جيل كله عيال بتلبس تشرتات بينك ..

يبقى إزاي هيعرف انه ليه جناح ممكن يفرده اساساً ..؟

عجبوني اووي اول كلمتين ف البوست دول ..

لما تكون هى الأمان ومتحسهوش ...

لما تكون هى الأمل وولدها فى التوهان ....

--

ويبقى انت اكيد ف ايجيبت :D

أسمعنى شكراًً يقول...

حبااية

شكراا ليك

بس لما يبقى فى بلدك زى محمود الطفل المعجزة
وعبد الرحمن أللى حافظالقرأن كلة وهو لسة 6سنين يبقى لازم فى أمل فى الجيل الجديد مهما كانت تصرفاتة وأنطباعاتة أكيد فيهم خير كتير لازم الأهل ينموة فيهم