الاثنين، 26 يوليو 2010

المنحوس مكتأب


واحد صاحبنا حياتة متشقلبة ودنيتة متدربكة واخد على دماغة من كل شكل ولون


بوزوة فقر و وشة نحس ... صبر كتير على الهم أللى هو فية . تعب كتير من عذاب

النفس ومش عارف يعمل أية .. فكر يغير حظة بأسلوب التعامل مع بقية المجتمع

قال مش مهم حقى فى بلدى الحمد لله أنى عايش فيها أصلا..

ومش مهم أهلى المهم أن لية قرايب أصلا..

ومش مهم الحب أدينى عايش كدة كدة ملحقش يعترف للى بيحبها بحبة

وأهى راحت لنصيبها أللى يصونها..

ومش مهم الصداقة كويس أنى ليه أللى بيسأل ..

____________________________

ولما أتكل على

*أن لية بلد عايش فيها أصلا بلدة هانتة وبالجذمة أديتة

*وأن لية قرايب...أول ناس باعتة

*والحب مش مهم لقى حياتة كأيبة وعلى حبيبة ندمتة

*ولما أتكل على أللى بيسأل زهقو منة وفى أول محطة قلبتة

______________________________


أنا المنحوس وأللى ضيع وأتساهل

أصبحت منبوذ دة غلطى وأستاهل

ليلى شبه نهارى وتايه فى أوهام

ودة أللى حاسس بية خلاص خلص الكلام

هناك تعليقان (2):

ساسو يقول...

ليه اتمحي التفاؤل من حياته
ليه التشاؤم بقي مالكه وسيطر عليه
هو بايده وبامكانه يغير حياته للاحسن
بس لازم يحس انه اجمل واسعد انسان
لازم يكون عنده ولو ذره ثقه بالنفس
يصبر وبصبره هيوصل لهدفه وهيحققه
يخلي ايمانه بربنا كبير اوي
يتأفلم مع المجتمه ومع الناس بكل شجاعه
يحب الناس ويحب نفسه
بجد هيلقا حياته بقت اجمل حياه
دمت بكل خير

أسمعنى شكراًً يقول...

شكرا (ساسو)

ياريت أقدر
الكلام فى الحالة دى سهل وكتير بس التنفيز هو أللى أصعب مايكون
وعلشان احول حياتى من حياة سلبية لحياه أيجابية
لازم أوفر لنفسى الإمكانيات دى