الثلاثاء، 12 أكتوبر، 2010

شكرا ياريس الأسعار بتهيس


الطماطم أغلى من التفاح الأمريكانى يابشر...هو سيادة الريس ربنا يخلى أللى جايبينة

مش بياكل طماطم زى بقية الناس؟ ولا هو مقضيها صلصة علشان الكوسة أللى فى البلد!!

وشكله كدة بصراحة مش بيحب الطماطم وشايف فيها حاجة غلط الأفندى.......

علشان كدة بيحافظ على الشعب وخايف علية منها (ومجنوووووووووووونة ياأوطة)

لا وأية كمان هايستوردوها من الصين .... وهى ناقصة أقصد وهى جت على دى

أما حتى اللب أللى بنتسلى بية صينى وأنا قلت قبل كدة (قوم ياصينى قوم لنصرى)

ولسة ياما فى الجراب ياحسنى.....

هو مش ناوى يفارقنا ..

إلى كل السادة الكرام أللى هايقرأو الموضوع دة يدعوا على حسنى مبارك

وأللى هايدعى ربنا هايكرموا بكيلو طماطم ببلاش ..
.وأللى مش هايدعى علية هايبقى عندة أزمة طماطم

وربنا يتقبل منا جميعا..

هناك 4 تعليقات:

صوت من مصر يقول...

اسكت ياض

ساسو يقول...

لو اضمن اني لما ادعي القا طماطم
بجد هدعي من كل قلبي


كلامك جميل
وبجد قولت اللي جوانا
واللي ناس كتيره مش عارفه تقوله

دمت متألق

يوميات شحات يقول...

فكرة كويسة

mrmr يقول...

الشكوى لغير الله مزله
وانا كشفت راسى قدام الفرن
ودعيت ... دعوه وليه ساعه عصريه