الأحد، 24 أكتوبر، 2010

( تهييس الشتا )

شئ غريب
أنة جاى علينا غريب
وكأنة أول مرة يجى مع أنة لف علينا كتير
كان ببرق ورعد ومطر وفى العظم لة تأثير
كنا دايما وقتها كشين وفى الهدوم الكتير مستخبيين
دلوقتى جاى هو وكاشش....!!
وكأنة واحد مننا رايح يخلص أجرأت رخصة...
ولا رايح أى هيئة حكومية لأول مرة يخلص مصلحة
من غير وسطة متسوح فى الطوابير الكتير
وكأنة حاسس بينا مش حمل لفحة هوا
فى الوقوف على باب الأتوبيس ..

خايف على طفل يتعب أهلة مايلاقوش يعالجوة
ولا يقفوا بية على باب المستشفى
ويقولو لأبوة لازم من دمك لينا تبيع
ياترى ياحكومة بلدناعندك قلب رحيم زى الشتا؟؟
أكيد تهييسى وتهيس الشتا لة ألف سبب
ودة شئ أنا شفتة وقلتة بالأدب

هناك 4 تعليقات:

غير معرف يقول...

البوست حلو بس اللى محليه اكتر جمله(حنييييييين) كده انت عرفت انا مين

ساسو يقول...

كلامك مش تهييس
كلامك اجمل كلام
بجد بجد تسلم ايديك

غير معرف يقول...

مش هقولك تسلم ايدك بس هقولك "الكلام الكبير له ناسه"وبعدين انت ما كتبتش ليه تاني في الرسول وله انت مستني مناسبه
‏"طيف"

غير معرف يقول...

بعيدا عن التهيس تفتكر ليه الشتاء مش زي الاول؟ وله يمكن لاني دايما عايشه في شتا!!!
بجد جميله
‏" طيف"