الاثنين، 15 نوفمبر، 2010

العيد قـُرحة

زحااااااااااااام فى كل مكان وكأنة يوم الحشر ومع مرور الوقت ينفض التزاحم الهستيرى
وتشعر بسكون فى الميادين والشوارع وما من لحظات فينادى المؤذن بصلاة الفجر
تجد الأجواء تعود كما كانت علية من تحركات كثيرة فى كل مكان يميناًً ويسارا
ولكن المظهر مختلف وكأنة فجر وشروق ينقلق لكون أخر بدلا من الكلام تجد ذكر الله
وبدلا من القميص والبنطلون تجد الجلباب الأبيض .... نعم أنة العيد هذا هو العيد
ولكن العيد حاليا بقى غير مرغوب فية
ومازال العيد مجرد أيام بتعدى علينابنفرح شوية ونرجع نتعكنن تانى بمشاكل الخضار.
والزيت ..والسكر ..والغاز.. وغيرة .وغيرة..ألخ ألخ ألخ
وناس كتير مابقيتش تحس بالعيد فرحة كما يقال بقى العيد عندهم كارثة أقتصادية للمنزل
وأللى رمى أبنة من البلكونة بسبب مصاريف مواسم العيد
وأللى أتخانق مع مراتة وضربها بوحشية من أجل مصاريف العيد
ياترى ياهل ترى الناس دى أعصابها خفيفة ولا أحنا أللى نايمين فى البلوظة وبنقول العيد فرحة
للأسف أنا واحد من الناس أللى مابقيتش بحس بحلاوة العيد..
لأنى حاسس كتير أنى وحيد يمكن الحسنة الوحيدة أللى هاستفيد بيها من العيد دة
أنى هاشوف أصحابى أللى ممكن أكون بقالى فوق الـ6 شهور مابشوفهمش
ياترى ممكن الحياة تتعدل وتبقى أحسن من كدة ولا خلاص علية العوض فى العيد فرحة
وهايبقى ليه تأثير كبير على عمر البنى أدم وكأنة قـُرحة فى العمر ملهاش علاج..
ربنا يتولانا برحمته
مع تحيات القهوجى اليائس

هناك 10 تعليقات:

ساسو يقول...

يااااااااااه
كل دا احساس بالاكتئاب في قلبك
احنا النهارده عيد
روق كده
كل سنه وانت بخير
وعيد سعيد

mrmr يقول...

كل سنة و أنت طيب يا محمود
روق وافرح
دا العيد فرحه
عيد أضحى سعيد

عمرو يسرى يقول...

كل نفسا ذائقه الموت
انا لله واننا اليه راجعون
ما دايم غير وجه الله
كل سنه وانت طيب
عيد سعيد
وحدووووووووووه

إستثنــــــــاء يقول...

كل عام وانتو بخييييييير

غير معرف يقول...

ميرو ... ....

كل سنه وإنت طيب ياسلامونى عايزه أعرف حاجه واحده مين أساسا لسه بيحس بالعيد أنا واحده من الناس بحس بحلاوته في مسجات إصحابي ومكالماتهم ومعايدتهم قبل العيد وفي أول يوم عيد وطبعا وقت الصلاه بس يارب الحاجات دي كمان متختفيش زي ماأختفت معالم كتير للعيد
وبرضه هقولك
العيد فرحه
وكل سنه وإنت طيب

أسمعنى شكراًً يقول...

ساسو
====
وأنتى طيبة بس دا الواقع أن الحياة مش حلوة

أسمعنى شكراًً يقول...

mrmr
====
وأنتى طيبة بس برضة دة الواقع الحياة مش فل

أسمعنى شكراًً يقول...

عمرو يسرى
========
لا إله إلا الله محمد رسول الله

ونورتنا بمرورك الكريم

أسمعنى شكراًً يقول...

إستثناء
=======
وحضرتكم بصحة وسلامة

أسمعنى شكراًً يقول...

ميرو
===
صديقتى اللدودة
الماسيجات والأتصالات هى إللى قصرت مسافة المودة وصلة الرحم

وهاتى واحد معاه رصيد هايرضى يروح يزور الناس بدل مايبعت sms

وكل سنة وأنتى طيبة