الاثنين، 30 مايو 2011

علمانى .. ليبرالى.. (تمر هندى)

أخرتها الغرب هايطلــَع لنا لسانة...


أبدأ كلامى ( بسم الله ) وياريت مش علشان بدأت كلامى بذكر الله يبقى انا بقيت تبع الأخوان
الأستاذ المثقف أللى يقول انا علمانى ( أحب أقولة ربنا يهديك)
والباشا برضة المثقف أللى يقول أنا ليبرالى (أحب أقولة نفس الكلمة برضة ربنا يهديك)
والأستاذ أللى يقول أنا أرضي ربنا أحسن وأكون تبع الأخوان ( أحب أقولة كن تبع الله قبل الأخوان )
لأن الأخوان مش رسل ربنا فى الأرض ....


-------------------------------------------
يا شعب همجى وأنا منكم همجى زيكم ..رجعنا تانى غابة
بس المرة دى غابة بلا قانون. غابة الكل عايز يطلع فوق كتاف بعضة.
الكل عامل فيها القرد إياه.. إللى بيفكر فى مصلحتة وإللى بيفكر أزاى يحكم
ياغابة مش عايزة غير أسد .. لكن الأسد أمرة أتفسد..
وكل واحد نسى أنه يبدأ بنفسة . أيوه لازم أغير من نفسى
فين الكلام ده فين ..ولا دول كانوا كلمتين سخنين
محشورين فى الحلق .. ونسينا رب الخلق
نسينا أن مفيش مثقال ذرة بتحصل ألا بإذنة..
ولما ربنا أكرمنا ووفقنا يوم 25 .. الكل عايز يلفقها لنفسة
أو للشعب كلة عموما...
وفين توفيق أللى خلقك ورزقك ( يااااأبن أدم ). فين حقة عليك فين الطاعة
فين الحمد والشكر فى السراء والدراء ولا أنت شايف أن الدنيا أهم عندك من الأخرة
والله لو فضلنا البعد عن الكلام فى الدين ولا هانطول دنيا ولا أخرة..
أتجة لله وأصلح من نفسك وخلى توكلك على الخالق الرزاق
وربنا سبحانة وتعالى عمرة ماهيخزلك .

وعندك أكبر حكمة ومثل(سيدنا إبراهيم)علية السلام..
الفترة فى العبادات
لية أنت مش عايز تطبقها فى المعاملات


هناك 4 تعليقات:

Emtiaz Zourob يقول...

ربنا يهدي الجميع ..

مافي احسن من انه الواحد يتبع كلام ربنا ودينه ولا يتبع أي حزب أو فكر بشري ..

هو في بعد كلام ربنا ؟؟

لا علمانية ولا ليبرالية ولا اخوانية ..

بل اسلامية .

دمت بخير.

مصطفى سيف الدين يقول...

بصراحة بقينا اسوأ ما كنا
محدش طايق حد وكله بيخون كله
الطريق الامثل حاليا هو التمسك بالقيم والمبادىء والعودة الى الله
لاننا هنلاقي في الاسلام افضل القيم وهي انك تدعو الى سبيل ربك بالحكمة والموعظة الحسنة مش اتهامات بالتخوين ولا بالتعصب
تحياتي

فتــافيت (رحاب الخضري) يقول...

ربنا يهدي الجميع
الفكرة ان وقت ميدان التحرير
كان فيه هدف موحد.. وهو اسقاط النظام
عشان كده كان فيه تعاون ووحدة

دلوقتي مافيش هدف موحد لكل الفصائل
ومعلش ده بيحصل بعد كل ثورة اصلا
وفترة الفوضى بتفضل سنين.. والتاريخ بيذكرها بفترة قصيرة مهما طالت... بس احنا حاسين بطولها عشان عايشن فيها

ربك يهون ان شاء الله

غير معرف يقول...

والله احلى كلام يتقال فعلا فين حق ربنا بقينا فى غابه مننا مش من حد غيرنا كله بياكل فى لحم بعضه والاخر ايه عمالين نتكلم ونرغى ونسمع كلام ومدح فى الثوره طب واخرها ايه فى جزء بسيط اوى ايجابى ناس بتفكر فى مصلحة بلدها مصر انا اسفه فى الكلمه كانت زي الخرابه ودلوقتى بنظفها هيطلع منها بلاوى كتيييير كل ماهنظف هنلاقى بس مينفعش نعمل حته ونقعد نحكى عن الحته اللى نظفناها مش بعيد واحنا قاعدين كده نلاقيها بتتملى تانى من باقى الاماكن
كل يوم كمان بنسمع حاجات مش ممكن عاللى بيحصل ايه اللى بنعمله فى بعض ده ليه سرقه وبلطجه واغتصاب واختفاء فين امن مصر مش دى بلد الامن والامان فى امانها لما اللى منها بيعملوا كده
حسبنا الله ونعم الوكيل فى اللى بيحاول يخرب شبر منك او جزء من أمانك والجزء البسيط اللى خايف على بلده مش هيسيبها ابدا وهينتصر فى النهايه اكيييييد

ربنا يحفظك يامصر
وتسلم ايدك ياسفير